今年8月結婚，剛剛宣佈即將做人父（新聞連結： http://bit.ly/2BrOFmx ）嘅鄭嘉穎，於下月上映電影《葉問外傳：張天志》中飾演反派黑社會角色，家族是管理夜場的社團，社團頭目就是其姊楊紫瓊，楊紫瓊在戲中當然是身手功夫了得的大家姐，戲中所有演員均是打得之人，至於嘉穎則較遜色，該戲早前於佛山拍攝，嘉穎說：「因為我自細體弱，功夫唔好，所以我揸槍，但原來成日都唔記得帶槍，之後就被人打，被阿晉打，打親八爺（袁和平）要求都好高，要求高，要撻得靚，張枱要爛得靚。」嘉穎指好榮幸同八爺合作，嘉穎說：「原來大師要求咁高，出嚟點解咁好睇，精雕細琢，佢係個慈祥老人家，成日講笑，佢對文戲每個鏡頭要求都好高。」
嘉穎自言係花拳繡腿，因為佢一次失誤，慘令替身腦震盪入院，嘉穎話：「一場戲張晉要踢我條頸，拍攝時因為要遷就鏡頭，八爺已經叫我唔好避，但因為自然反應，好難唔避，我同八爺講，我都唔想避，但係隻腳嚟緊，就此一次，踢咗後面，我就去咗睇醫生。而替身就被阿晉踢後腦，替身硬食踢完即刻講唔到嘢，即刻送咗去醫院做磁力共振，被踢完腦震盪，我真係唔好意思，本身我唔係動作演員，我拍過好多打戲，但原來今次先真正係打，我以前拍嗰啲都係花拳繡腿。八爺成日問我得唔得，我梗係話咗得先，導演都明白我哋唔係武打出身，都會就住我哋。」嘉穎於戲中被斬手，他指並不太血腥，對於拍動作戲時，有幸各人都就住嘉穎嚟打，幸而沒有受傷。
首場戲要表達嘉穎惡霸角色，嘉穎需要用力掌摑冇錢找數的周秀娜（Chrissie），嘉穎話：「我摑之前已經同Chrissie講，我好有經驗，我用手指打，有聲又唔會暈，拍攝時大力一摑，八爺入嚟問我有冇打到，叫我食入啲，大力啲，咁冇辦法，打戲同親熱戲都係越少越好，我同Chrissie講話冇辦法，要食入少少，大力一摑，我同Chrissie都呆咗一呆，八爺再問有冇打到，全場都有話打到，八爺話再嚟多次，但係Chrissie話塊面已經腫咗，要敷冰，八爺話咁好啦收貨。」何遠東在戲中同樣要被嘉穎及其他演員打至又瘀又腫，嘉穎話：「你以為好大力，八爺就係覺得唔夠力。」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
