熱爆娛樂: 【爆相爆片】余思霆陷五角關係朱敏瀚為華姐冠軍與俏女友分手？ _

2018年11月26日星期一

【爆相爆片】余思霆陷五角關係朱敏瀚為華姐冠軍與俏女友分手？ __,爆相爆片,華姐,余思霆,

24歲、2017年華姐冠軍余思霆與MK組合天堂鳥成員歐鎮源（Tyrese）拍拖3年多，今年6月突爆分手。有傳因為林欣彤（Mag）介入，兩人當時仲被影到一齊打邊爐，事後Mag同Tyrese均稱對方只是好朋友。(相關新聞： https://bit.ly/2N7DyGx )

但原來當中可能涉及五角複雜關係…

日前《蘋果》讀者楊小姐透過「爆相爆片」，稱曾在沙田新城市廣場遇見余思霆同「冰之子」朱敏瀚一齊行街。楊小姐表示當時余思霆同Tyrese係未分手嘅，佢話：「當日傍晚六點左右，見到余思霆喺內衣舖頭行出嚟，但冇為意男嘅有冇一齊入去，但之後佢哋一齊行都好close，雖然冇拖手，但兩隻手『掂吓掂吓』都幾搞笑，所以有留意。」楊小姐話佢哋之後再入咗化妝品店，男方好有耐性陪余思霆shopping，揀咗冇耐就由女方自費俾錢離開。

據悉現年26歲嘅朱敏瀚一直有位感情要好嘅圈外女友，樣貌嬌俏兼身材出眾，女方不時在社交上載恩愛相，還會陪男友開工。不過，朱敏瀚同余思霆喺去年11合作拍大台劇《好日子》時，疑戲假情真，有幕後人爆料今年情人節曾結伴飛去台灣，最近更發展到同居關係。

朱敏瀚昨日回覆傳媒時承認與女友分手，佢話：「年頭分開的。」與余思霆有冇可能發展？佢話：「有傾有講」余思霆話當日只係錄音後一齊食嘢，佢話：「好耐之前喇，唔記得太清楚。」有傳拍拖？佢斬釘截鐵話﹕「不是呀，情人節一齊及同居更加冇可能，唔知點解有咁嘅傳言。」

Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票

精選娛聞，喺晒《娛果》 http://fb.com/appledailyent

【編輯推介】

【咘咘見證父母交換戒指】修杰楷承諾一生不放開賈靜雯補辦婚禮激動落淚

https://bit.ly/2Rb1Rl1

【七日前未識Tag人】Ig開Live追擊巨星汪阿姐：梁朝偉俾我影就得

https://bit.ly/2TFHi1I

【八姑娘都有到！】賭王生日猷君微博貼相陪爸爸睇招股書

https://bit.ly/2TKdnFv

【咁都冇貼身企？】否認俾鄭子邦摸大髀湯洛雯辯稱係角度問題

https://bit.ly/2SaphHi

【獨家】76歲盧海鵬入養和通波仔女兒及戚美珍陪出院

https://bit.ly/2QheTA7

朱敏瀚原本有位身材超好嘅女朋友，但最近卻暗交余思霆。(讀者提供/ig圖片)	今年6月，朱敏瀚陪余思霆行街購物。(讀者提供)	 余思霆係化妝品店買嘢，朱敏瀚全程細心陪伴。(讀者提供)
 兩人行到隻手「掂吓掂吓」，態度曖昧。 (讀者提供)	 讀者提供嘅相片雖然好矇，但余思霆嘅招牌短褲Look同手鏈就好易認出。(讀者提供/ig圖片)	 朱敏翰同余思霆去年11月拍《好日子》時暗撻，當時兩人都各自有另一半。(ig圖片)
 朱敏翰女友樣子嬌俏。(ig圖片)	 仲經常會到片場探班(ig圖片)	 余思霆同Tyrese今年6月宣佈分手。(ig圖片)
 Tyrese與林欣彤早前被影到撐枱腳，即傳出緋聞。(資料圖片)