姜皓文享受壓力，雖然明知會好危險。
入行超過三十年的姜皓文（黑仔），由電視演到電影，實力無容置疑，到今年更獲得金像獎和大家的肯定，獲得金像獎最佳男配角，連黑仔都笑言不再「黑仔」！但近年片約不斷的他，對自己仍然是抱着懷疑的態度，一切源自自卑的性格：他表示：「自己讀書唔多，當人哋同我講啲深入少少嘅話題，我就會開始怯，我只會喺片場先搵到安全感。」
而近年，姜皓文漸漸「升呢」成為黑哥，他就表示：「係因為入行已經太耐，有啲資歷，年紀又唔細，人哋唔好意思再叫我黑仔啫！我都不知幾想你哋叫我黑仔呀！」
對演出非常投入的姜皓文，坦然是個精神病患者：「呢幾年老婆（金慧英）同朋友成日叫我睇醫生（心理醫生），係呀！我好享受好多好多壓力嘅感覺！投入咗角色，又唔想出番嚟，講真我唔想好番！精神病就精神病有邊個演員冇情緒病呢！」
而姜皓文首次擔正男主角的電影《翠絲》，是一部以跨性別為題材的電影，他說：「呢部電影嘅宗旨及主題從來都唔係要睇我飾演跨性別者有幾靚有幾嫵媚，而係希望大家攞出勇氣誠實面對自己。」想知道更多黑仔嘅內心世界，即刻收睇【娛場】
來源 source: http://hk.on.cc
|
鍾意就快D Share啦！
|
|
|
