喺中環嘅打工仔都好唔易捱，食碗越南粉要百幾銀先落到樓。有兩間長龍越南粉鋪頭，價錢都好叮噹馬頭，就係威靈頓街嘅「蔡瀾越南粉」同埋砵甸乍街嘅 Brass Spoon。不過背後由國內人士做老細嘅蔡瀾越南粉，晚市要撐到10點鐘，而老闆係巴黎長大嘅越南華僑Brass Spoon夜晚7點鐘就收鋪，何解人家咁輕鬆呢？咪又關租金事囉。
Brass Spoon上手租客係賣珠寶嘅Mabros萬寶廊，即是Mabelle另一條高檔品牌，業主係致生紙業大王馮新聰家族，07年起租時，租金都好理性，地下至三樓都係＄40萬左右，不過去到2013年要續租，業主要求由有10年以上經驗的測量師來釐定，點知攞咗興瑋大厦月租＄720萬Coach間舖作參考，業主就向Mabros開價叫租＄250萬，如此獅子開大口 ，真係賣珠寶咁好賺咩？Marbros 唯有放棄。等到前年底，地下1200呎鋪位就租俾 Brass Spoon， 月租只係 ＄17.5萬。你話中環啲鋪租係咪海鮮價呢？鬼咩， Coach 2015年都頂唔順冇鞋挽屐走，要提早離場仲要賠咗＄1.3億俾興瑋大厦業主李福兆家族。
Brass Spoon以一個合理啲租金去經營，咪唔使咁搏囉！夜晚7點收舖，仲要好招積，幫趁＄300以下只收cash。
蔡瀾牛肉粉就唔同，佢個位月租要＄53萬，一日要賣140碗牛肉粉嘅收入，先交到租，唔做埋晚市點得呢？所以係中環食碗牛肉粉，都要知「價 」，睇吓找數時幾多係租呢？
來源 source: http://nextplus.nextmedia.com
|
鍾意就快D Share啦！
|
|
|
