雙11喺內地已經係年度大事，更有近4小時嘅狂歡節目載歌載舞大肆慶祝，今年仲請嚟日本重磅搞笑女星渡邊直美擔任表演嘉賓。佢表演好落力，先扮Beyonce唱《Crazy In Love》，再扮蔡依林唱《舞孃》，真係技驚四座，觀眾拍爛手掌架。
不過主持人就唔多得體喇，喺渡邊直美表演過後暗寸人哋身形肥胖：「體態輕盈，似充了氣一樣，浮在半空中。」之後女主持話自己趁雙11買咗好多零食時，男主持繼續踩渡邊直美：「只買吃的，你想做下一個渡邊直美嗎？」唔少觀眾都企喺渡邊直美一邊，指責男主持唔尊重嘉賓、言論失禮。
不過，都有啲人批評渡邊直美台上咪嘴唔專業架。其實人哋唔係歌手，亦唔識中文，今次為節目預先錄好國語歌已經好有誠意架喇。
來源 source: http://nextplus.nextmedia.com
|
鍾意就快D Share啦！
|
|
|