唐詩詠在周三成為觀塘三車相撞的主角，伊人雖沒受傷，但亦自言「嚇死」。有讀者向《蘋果》報料，原來唐詩詠在撞車前，與「英識教育」執行董事陳思銘在九龍塘晚飯，唐詩詠更任由男方摸頭及搭香肩，狀似熱戀中的男女。唐詩詠事後否認新戀情，但就表示當晚「係同朋友開心飯敍」，毫不掩飾勁冧這一位教育界新歡。
現年37歲的唐詩詠一直以來情路坎坷，今年初曾傳與前男友洪永城復合，更被撞破約會，但他們異口同聲表示當日只屬簡單的朋友聚會，並叫大家不要太多心，之後詩詠就再未有戀事傳出。不過在本周三，詩詠就跟新男伴食了一餐甜蜜晚飯，當晚有《蘋果》讀者報料，在又一城見到詩詠及一個一名四眼男子食飯。
男士埋單顯風度
據該讀者表示，當日詩詠與藝人林子萱先到餐廳，兩人對坐，一小時後，四眼男就出現，更坐在詩詠身邊，現場聽到詩詠向林子萱介紹四眼男叫Samuel。其實Samuel全名叫陳思銘，是升學顧問中心「英識教育」的創辦人兼執行董事。其間林子萱離開飯桌，詩詠及Samuel即刻變得好sweet，除了深情對望，傾到興起時，詩詠更不時甜笑，Samuel亦有摸一摸詩詠個頭，又搭住香肩，最後由Samuel負責埋單，展紳士風度。
不過詩詠及Samuel一離開餐廳，即刻變得有所避忌，詩詠行先，林子萱則跟在詩詠後面，詩詠一直刻意跟Samuel保持距離，但Samuel臨走時，都有跟林子萱說一聲：「Nice to meet you.」林子萱與兩人拜拜後就離去，Samuel則陪詩詠搭電梯到停車場，之後詩詠獨自駕車離開。後來，詩詠駕車途經觀塘時發生三車相撞，事發後她表示：「突然有個女人衝出嚟，我煞唔切車，三車相撞，好驚！我第一次撞車咋！」未能為約會畫上完美句號。
「好朋友」拒落閘
詩詠昨日回覆傳媒查詢時，否認Samuel是新男友，被問為何當晚Samuel摸她的頭時，她表示：「污糟咗之嘛，佢係我同林子萱嘅朋友，只係同朋友開心飯敍，其他事冇回應。」至於Samuel亦以英文短訊回覆《蘋果》，指當日「真的只是朋友間的晚餐聚會」，被問會否追求詩詠時，Samuel未有閂閘，只表示：「我對她的了解不足，未可作出評論，但作為一個朋友，她很好。」
有「絕世好女友」之稱的詩詠，去年5月跟洪永城宣佈分手。雖然洪永城講明分手不涉逼婚，亦不涉第三者，不過仍然有消息指詩詠與周焯華愛將盧啟邦暗撻一個月，其後洪永城力撐前度：「以我所知，唐詩詠係單身！」詩詠當時接受傳媒訪問亦聲淚俱下否認，並表示：「我從不是一個貪錢嘅人。」
採訪、攝影：嵐山、陳辰、楊浩賢
|
鍾意就快D Share啦！
|
|
|
