掃呢頁CODE去手機

2018年11月17日 星期六

【借歌暗爆有三者】 撻著Gavin So湯怡一腳踏兩船 洪卓立啞忍兩年:你會揀攤牌定係忍 __,洪卓立,湯怡,

洪卓立同湯怡拍拖十一年突然宣佈分手,令到唔少人覺得可惜。有報導指分手導火線係洪卓立唔肯結婚,又有傳係湯怡另結新歡,一時話係陳家樂,一時話係王菀之叔仔G ...




洪卓立同湯怡拍拖十一年突然宣佈分手,令到唔少人覺得可惜。有報導指分手導火線係洪卓立唔肯結婚,又有傳係湯怡另結新歡,一時話係陳家樂,一時話係王菀之叔仔Gavin So,究竟咩嘢先係真?壹仔最近聽到,佢兩個拍拖頭幾年,湯怡係想結婚,不過,洪卓立當時事業發展好,所以唔係好timing。到近幾年,洪卓立想同湯怡結婚,但女仔唔肯,因為當時輪到個湯怡事業發展唔錯,所以唔想為咗洪卓立放棄機會。

結唔結婚都唔係分手導火線,據知原來湯怡兩年前已經同Gavin So撻著,洪卓立知道女友一腳踏兩船,一直都求湯怡唔好分手,返番自己身邊,加上Gavin So結咗婚有老婆,結果三角關係拖拉咗近兩年,湯怡先斬纜。估都估唔到,今年二、三月時,湯怡同Gavin So死灰復燃,唔捨得分手嘅洪卓立今次冇再啞忍,仲叫湯怡做二揀一,呢段好唔開心嘅時候,佢整咗首《獻醜》,歌曲係講情侶間出現第三者,你會揀啞忍定攤牌,絕對係洪卓立當時嘅心聲。

我自己發現,原來我自己同身邊嘅同性朋友原來都會收收埋埋,原來佢哋都會隻眼開隻眼閉嘅呢一個諗法,或者做緊呢件事。呢隻歌係個思考題目,當你遇到咁嘅情況,你會好轟烈咁同另一半正面處理呢件事,定係好似mv故仔咁,隻眼開隻眼閉去忍去等,希望段關係轉好呢?

洪卓立兩個科案都做過,結果湯怡都係提出分手,唔怪得佢忍唔住喊,咁又真係好hurt嘅!

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!