被摸完肚接喜訊單文柔：好搞笑！
早前陳凱琳與剛宣布有孕的單文柔出席活動，她表示要摸對方的肚沾旺氣，其實當時她已有喜！對此，單文柔說：「聽到好開心，同佢差唔多時間生B，啱啱摸完個肚就聽到喜訊，好搞笑，要即刻恭喜佢。」
前晚單文柔老公陳展鵬現身無綫長期服務暨傑出員工榮譽大獎頒獎典禮晚會，問到太太現時身體狀況？他表示老婆有做孕婦瑜伽：「冇咩害喜。（會唔會夜晚話好想食啲咩叫你去買？）雪櫃咩都有，佢係要少食啲佢鍾意食嘅雪糕同甜嘢。」他透露稍後拍劇，可能撞正太太預產期：「1、2日都易度。」榮獲十年服務獎殊榮的他笑言今年好有意義，完成人生大事成為人夫兼準備做爸爸：「另一個十年開始。（努力賺奶粉錢？）都要，同埋要養家。」此外，昨日他出席台慶活動時表示還未知道BB性別：「有照但未睇到，呢排太多資訊。（辛苦過睇劇本？）可以咁講，原來剪臍帶都有分剪邊部分。（唔好似嘉穎咁烏龍，睇清楚係臍帶定係何B仔！）如果係仔就OK，女就唔使睇咁清楚！」
來源 source: http://orientaldaily.on.cc
|
鍾意就快D Share啦！
|
|
|