不過佢話小朋友食咗藥睇咗醫生就冇事～
千億新抱徐子淇以親善大使身份出席智行基金會慈善籌款晚宴，子淇與老公李家誠手拖手到場，另外著名鞋覆設計師Jimmy Choo（周仰傑）、英皇珠寶主席兼行政總裁楊諾思、鄺文珣與老公、李桂蘭等出席。
參與智行基金超過十年
子淇透露智行基金成立廿年，她亦參與超過十年，說:「我10年前到安徽探訪，令我印象好深刻，探訪家庭好悲慘，佢哋好窮，爸爸賣血而驗到有愛滋，於是受到村裏嘅人歧視，佢最後自殺死咗，而媽咪又有重病，仲有兩個小朋友，當時我見到兩個小朋友時，佢哋到我心口咁高，依家佢哋都大個咗喇，細佬好叻，讀大學，家姐都好好，已經嫁咗人，依家重開咗間餅舖，幫到佢哋自己都可以好開心，家姐個名又係叫子琪，都好有緣，佢哋今晚都嚟咗。」子淇要照顧四個小朋友，又要行善，她笑言是家中的大秘書，安排好小朋友的日常生活，盡量抽時間行善，又謂：「今年20週年，我哋安排咗20個20歲嘅小朋友嚟香港跑馬拉松，佢哋都係同智行一齊大。」
帶仔女親身探訪
子淇做慈事出錢又出力，亦不時帶小朋友探訪，早前帶三個小朋友到柬埔寨探訪，回港後身體不適 ，她說：「去到呢啲地方都預咗，我哋城市人比較乾淨，嗰度嘅環境又比較污糟，啲排泄物同所有嘢都係同一條河出嚟，去到又唔可以唔接觸任何嘢，咁就唔係體驗，小朋友病吓，返到香港睇醫生、食咗藥就冇咩事，但對佢嚟講係寶貴嘅經歷，擴闊佢哋嘅視野。小朋友平時喺香港都會幫手做善事，義賣啲餅乾，今次四個小朋友都有來參加晚宴。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
