掃呢頁CODE去手機

2018年11月23日 星期五

【九西補選】仲想香港大陸化?全城告急 人人自危! __,大陸,中國,

王心義攝
這時候來到,已太糟不可更糟。如果沒有DQ,九西毋須補選;如果不是政治打壓,劉小麗理應能再入閘;如果再失地區直選議席,立法會以至香港在保皇黨把持下,勢必 ...


這時候來到,已太糟不可更糟。如果沒有DQ,九西毋須補選;如果不是政治打壓,劉小麗理應能再入閘;如果再失地區直選議席,立法會以至香港在保皇黨把持下,勢必淪陷。美國國會報告也指,中央對港干預日深,民主派一直力倡的,正是確保不致淪為內地城市,這次代表民主派出戰九西補選的李卓人,背負的就是港人的既有價值與理念,卻遭建制支持的陳凱欣與被指鎅票的馮檢基左右夾擊。「我嘅危即係香港嘅危」,李卓人強調補選投票不單是重奪議席,而是團結、選擇港人的未來,「(一齊)攞返我哋自己嘅香港」。



記者 梁穎妍



年初3.11補選,民主派已在形同單議席單票制下敗陣,李卓人受訪時直言,今次補選再輸不得、也輸不起:「香港最關鍵問題擺喺我哋面前,係我哋嘅未來,想係國際城市定係大陸另一個城市?」他希望市民留意,補選戰場其實是香港未來理念的對踫,指近日連串事件反映香港前途堪憂,包括特區政府拒絕外國記者會前第一副主席馬凱入境,「人哋(國際)會覺得新聞自由都冇埋,仲唔係大陸城市?大陸就最鍾意趕記者出境」;近日美國國會更指控北京干預香港,甚至提出要將香港與內地視為同一關稅區,「連(自由黨)鍾國斌都抄我哋講話香港玩完」但建制派代表陳凱欣卻直言馬凱事件與港獨有關,「連林鄭都未夠膽講,睇到保皇陣營可以去到盡幫中共」,他強調今次選舉是為香港未來定位,雙方陣營代表不同的未來。



奪回議席最實際一點,就是可以在分組點票地區直選與建制派平手下,頂住再次「加辣」修改《議事規則》的建議,而日後建制派的提出的無約束力動議,也不會無往而不利,以自由黨一度動議辯論23條立法為例,難保另一個建制政黨再提出,「對方有多一席,變成我哋輸咗,對方大聲講立法會都贊成23條立法,可以去馬立法」。



李更擔心不幸落敗,建制派會任意演繹選舉結果,甚至引起骨牌效應,「兩次補選(民主派)都贏唔到個議席,啲人咪話係(特首)林鄭掂囉,DQ大家都冇感覺,仲有政治檢控、東大嶼計劃,我哋呢邊好清楚反對一萬億(元)掉落鹹水海,咁保皇黨梗係撐政府,佢(政府)咪話大家都唔緊張,林鄭咪可以去囉」。



年屆61、已退居二線的李卓人再上陣,不少聲音看淡選情,「我唔係想將自己講到我代表晒香港人,但我哋真係代表緊香港人嘅嗰種理念、價值,所以我嘅危係香港嘅危」,他慨嘆北京紅線DQ年輕一代的劉小麗,「我係臨危受命」,再披戰衣的他牌頭不單是工黨,而是整個民主派。



縱使多次參選立法會,但首度出戰補選的他壓力也無比重,競選期間多次失眠,「我唔係只係代表以前好鮮明嘅工運形象、我孭嘅嘢好唔同,孭住成個民主派,亦都孭住成個民主派最重要嘅核心價值」。他坦言扳回一局不等於「掂晒」,勝出補選只是整場民主運動裡的一小步,「仲有好多場仗要打,希望每一場仗有得贏嘅,一定要出嚟贏,贏完一場繼續去打,問題係唔好放棄囉,最大敵人就係我哋自己放棄,自己放棄埋香港」。



補選參選人還有伍廸希及曾麗文。



編輯推介:

● 【列根號訪港】《蘋果》實測汽車防盜鎖疑受干擾失靈 西環人投訴通訊辦

http://bit.ly/2Ad0CKW



● 鼠芬轟「同志奪權」非平權 遭葉劉嘲唔熟法律:華人傳統係一夫多妻

http://bit.ly/2AieOCu



● 【告別大Sir】鍾士元今設靈 李鵬飛不捨 張有興撐拐杖致祭

http://bit.ly/2KpOhaW



● 【荃灣名物】生餃子皮樣本含防腐劑要停售 民豐老闆娘致歉

http://bit.ly/2AeTYnq



● 【九西補選】不滿被指鎅票 馮檢基自詡吸票機:中間路線「海闊天空」

http://bit.ly/2Ac0M5h





九西補選●倒數 2 天

http://bit.ly/appledaily1125



王心義攝 李卓人稱,今次補選輸不起:「香港最關鍵問題擺喺我哋面前,係我哋嘅未來,想係國際城市定係大陸另一個城市?」。王心義攝 李卓人稱,今次補選輸不起:「香港最關鍵問題擺喺我哋面前,係我哋嘅未來,想係國際城市定係大陸另一個城市?」。王心義攝

鍾意就快D Share啦!