藝人麥浚龍（Juno）早前邀請影帝古天樂（古仔）與謝安琪（Kay）的年度音樂企劃演出女主角浦鉻心第二任丈夫藍定凌一角，與Kay合唱了《（一個男人）一個女人和浴室》，引起樂迷紛紛討論。是次MV繼續由Juno導演，講述浦銘心清晨帶着疲累身軀回家，細心的藍定凌為她整理衣衫時發現不屬於妻子的氣味，數分鐘畫面將二人內心的矛盾呈現出來。
古仔Kay滲默契
Juno直言想透過MV帶出愛侶間的相處，古仔跟Kay異口同聲說兩個人相處，溝通很緊要，古仔說：「默契唔係一刻嘅事，係要時間，我喺屋企見到爸媽睇電視，有默契轉台，一句說話都唔使講。」Kay說：「兩個人一齊耐咗，一個動作，就意會對方需要咩。」就如MV 中藍定凌和浦銘心見對方步入浴室，會自然踏後一步親吻對方的心神領會，藍定凌見到浦銘心累了，提出取消約會在家用膳。
古仔罕有分享對婚姻睇法
拍完MV，二人分享跟另一半的相處之道，早已擁有幸福家庭的Kay說：「相處真係需要時間，一齊耐咗自然有套獨特相處模式，當然都睇大家性格，你喜歡講我樂意聽，假如兩個人認定對方係另一半，即使在浴室啲咁私隱嘅地方，各自忙自己嘅事都會好享受，有冇一紙約誓都唔再重要。正如浦銘心，佢嘅感情歷程精彩豐富，跟董折後分開後有第二段婚姻，佢亦再冇戴上婚戒，因為佢清楚自己咩，自然會主動爭取想要。」
尚是單身的古仔也罕有地就MV故事分享他對婚姻的看法：「我都覺得感情係兩個人嘅事，有冇一紙婚書都唔太重要。至於同另一半相處，我比較喜歡盡在不言中嘅安靜，假如二人都係多嘢講，喺同一空間搵話題有時係好攰，不如花多啲時間去關心、了解對方。我理解藍定凌點解感覺到妻子有心事都唔過問，佢兩個之間一直都係冇人講出口就唔會問，佢就係咁嘅人，何時何事都尊重對方，以對方為首，諒解、體貼。」
|
鍾意就快D Share啦！
|
|
|
