熱爆娛樂: 【擘腿冇難度】着泳衣表演一字馬「翻版馬賽」李天縱：到咗走火入魔程度 _

2018年11月10日星期六

90年代「波神」彭丹，當年被林敏驄激一激，立即在台上做出「衣」字馬同拱「摷」，成為一時佳話。

最近「波神」似乎有接班人，就係個樣有少少似馬賽嘅大台小花李天縱(Lena)。Lena噚日喺ig貼咗一張穿上白色泳衣嘅相，佢喺池邊擘一字馬，動作乾淨利落，亮點係佢嘅35F逼爆身材，真係睇到令人有啲窒息。Lena留言：「呢排好鍾意瑜伽，真係到咗走火入魔嘅程度，瑜伽係一個減壓的好方法。」

其實Lena嘅擘腿動作係無處不在嘅，除咗玩瑜伽時候，Lena亦會趁跑步、健身、游水、拍劇，甚至出席活動都會使出一字馬呢項絕技。Lena今日接受傳媒訪問時話唔會怕走光，佢話：「覺得白色(泳衣)好襯瑜伽動作，嗰張相係同媽咪喺北京時候影，私人湯池，做足準備功夫，所以唔擔心。」

Lena係2011年落選港姐，在《不懂撒嬌的女人》半裸情挑林文龍出晒位，最近轉型做打女，將會喺台慶劇《兄弟》做秦煌嘅保鑣兼秘書，真功夫定花拳繡腿，觀眾拭目以待喇。

精選娛聞，喺晒《娛果》

http://fb.com/appledailyent

李天縱身度柔軟度高，做一字馬可謂輕而易舉。(ig圖片)	着住泳衣好似有啲危險，好易走光。(ig圖片)	 天縱好喜歡做運動，有時跑跑下步都技癢，就地一字馬。(ig圖片)
 海邊(ig圖片)	 沙灘(ig圖片)	 活動表演(ig圖片)
 拍劇(ig圖片)	 (ig圖片)	 (ig圖片)
 (ig圖片)	 (ig圖片)	 拱橋亦冇難度(ig圖片)
 李天縱身材逼爆，吸引唔少宅男。(ig圖片)	 天縱同媽咪餅印一樣(ig圖片)	 當年嘅彭丹做「衣」字馬同拱「摷」，成一時佳話。(資料圖片)