網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月6日 星期二

【娛樂人物】割眼重生換親情冼國林親述遇襲傳聞 __,冼國林,

冼國林今年8月受細菌感染,要割眼保命,重獲新生的他早前受訪時,親述病發時的經歷。
冼國林今年8月受細菌感染,要割眼保命,重獲新生的他早前受訪時,親述病發時的經歷。現年60歲的冼國林,既是一代宗師葉問徒孫、藝人陳嘉桓師傅,也是第一信用 ...


現年60歲的冼國林,既是一代宗師葉問徒孫、藝人陳嘉桓師傅,也是第一信用(8215)前大股東,近年投資拍電影,力捧新人。不過,是非不絕的冼國林今年8月到韓國濟州出席「殼后」朱李月華的60歲生日會時卻感染惡菌,嚴重至要割眼保命,坊間更一度爆出他遇襲傳聞。冼國林日前首度露面,接受《蘋果》獨家專訪,親述染病經過,直言割眼後令他感到親情無價,決定在業務上退下火線,珍惜眼前人。

採訪:比華利

攝影:沈健程

冼國林經過三個月「閉關」治療,近日逐漸重新活躍社交網。他日前在大埔接受《蘋果》獨家專訪,當日身穿一身運動裝的冼國林,精神抖擻現身。由於左眼割走要用紗布蓋着傷口,他全程戴上太陽鏡。



冼國林病後請了一名保鑣跟身,他指因染病初期腳軟無力才請對方看實自己。 冼國林病後請了一名保鑣跟身,他指因染病初期腳軟無力才請對方看實自己。
冼國林養病期間跟囡囡相處時間多了,早前更一起到慈山寺抄心經。互聯網圖片

冼國林養病期間跟囡囡相處時間多了,早前更一起到慈山寺抄心經。互聯網圖片

請保鑣傍實

冼國林直言靜養期間,為加強免疫力及體質,堅持每日在屋苑附近的單車徑散步兼做運動,語畢他即興耍了一段詠春小念頭,甚至把腳放在欄杆上做壓腿,大病初癒的他動作仍然靈巧。

當日割眼消息傳出後,有傳聞指冼國林是遇襲受傷,他受訪時親口否認:「我有聽過,有啲人話我俾人打或落毒,其實我唔好彩啫,個天唔攞我命,我已覺得算好,老婆要我專心養病,唔畀我覆。我今次只係唔好彩細菌感染,唔好怪人,咁對邊個都唔公道,冇就唔好夾硬話人。」病後請保鑣傍實,冼國林解釋:「初初病後人冇力,請佢傍住,遲啲好番就唔使。最初我病好,行五分鐘都攰,又腳軟同氣喘,𠵱家可以行到個幾鐘。」



冼國林跟劉家良學習洪拳,13年出席對方的喪禮。資料圖片

冼國林跟劉家良學習洪拳,13年出席對方的喪禮。資料圖片
冼國林08年投資拍電影《葉問》,令香港掀起一股功夫片熱潮。資料圖片

冼國林08年投資拍電影《葉問》,令香港掀起一股功夫片熱潮。資料圖片

冼國林憶述當日染病仍覺突然,他說:「事發當日,我哋去濟州出席朱太生日party,我喺飛機上有少少感冒,去到瞓咗一日冇事,我跟住仲有去宴會,但突然坐坐吓感覺好寒,開始發燒同痛,病情急轉得好快,我即刻返酒店,隻眼開始有啲矇,第二朝即搭機返港睇醫生。」醫生斷診冼國林左眼受細菌感染,要割眼保命,冼國林坦然面對。他更用小說《三國演義》中夏侯惇的故事做比喻:「夏侯惇俾箭射中眼,掹咗支箭出嚟,吞咗眼珠再打仗。我覺得既然我改變唔到,咪欣然接受。」

今年7月,冼國林入稟告權威金融(0397)旗下權威證券(前稱君陽證券)、第一信用第二大股東吳金龍、宏安集團(1222)主席鄧清河及權威金融執行董事薛世雄。他強調現在會放下一切公司業務給管理層,他說:「出事前半年,我有諗淡出,出事後加速決心,人始終有取捨。公司係機構,冇話冇邊個唔得,管理層唔係永恒。」冼國林表示退下火線後變得輕鬆自在,對於公司的官非,他續說:「我冇參與,交畀公司搞,我只係創辦人,唔使刻意請示我,我𠵱家安心做投資者。」



冼國林跟師傅葉準於12年到佛山出席葉問紀念館揭幕儀式。資料圖片

冼國林跟師傅葉準於12年到佛山出席葉問紀念館揭幕儀式。資料圖片
冼國林是第一信用(8215)前大股東,病後決定退下火線。資料圖片

冼國林是第一信用(8215)前大股東,病後決定退下火線。資料圖片

希望有後福

經此一劫,冼國林坦言連人生觀也截然不同:「以前太搏,忽略咗家人。發病時,我最掛心唔落係囡囡,我仔細老婆嫩呀。我睇得好開,生死有命,富貴由天,上天要攞番你一隻眼,我接受。」這次醫病更花了逾百萬醫藥費,冼國林覺得錢財乃身外物,健康才是無價:「好多人話大難不死,必有後福,我希望有啦,今次死裏逃生,算係不幸中大幸,個天唔攞我命。」冼國林又謂將家庭事業重新排位:「淡出複雜嘅嘢,未來我想教番功夫,中國武術好值得我哋傳承落去,我仲會放多啲時間搞番電影。」他又謂會向「單眼導演」進發,更計劃下月重新開機拍戲。

現在視力減半,親情卻遞增,冼國林在休養日子,令父女相處時間多了,他說:「嗰日囡囡陪我行公園,係我哋父女首次拍拖,囡囡話不如影相留念,我𠵱家珍惜呢啲點滴。」冼國林更笑謂從前囡囡會把他排在媽咪和工人後,但現在已「升呢」與媽咪同屬榜首,又指囡囡現在每晚還會送吻才入睡,令他甜到漏。可考慮再造人?冼國林說:「呢個要問我老婆,我鍾意細路,其實多幾個冇問題,但太太湊我哋兩個都辛苦,要說服佢有難度,但囡囡𠵱家可以幫手湊細佬妹,佢恨做姐姐。」




鍾意就快D Share啦!