沙姐林建明是「心晴行動」創辦人，亦曾向藍潔瑛申出援手，今日沙姐接受蘋果電話訪問，語調平靜說：「近排太多人離開，生老病死係必然。自己就咁睇，人世上有任務，可能完成咗就離開去第二度。我覺自己都有兩個任務，完成後都隨時行得，但要保密。有啲嘢冇計，時間夠鐘。」
沙姐歎藍潔瑛非普通情緒病，她說：「佢係有病，唔係普通情緒病，折磨得佢好重，不論家人、朋友都有幫過佢，但真正幫到佢嘅人係自己，無論父母子女都只能扶你一把。佢係病得幾重，乖乖食藥係可以保持到，唔食藥就病發，好多人都申出過援手，但真正靠自己，可能世上任務完咗，希望佢安息。」
沙姐表示二人雖然未合作過，但以前都有不少共同朋友，有一段時間還同屬陳自強公司旗下，而最後一次見面都是數年前的事。
| | |
|
鍾意就快D Share啦！
|
|
|