由謝霆鋒主理的飲食節目《鋒味》日前播出第二集，今集霆鋒就同好友吳彥祖齊齊飛到希臘，二人用美食同建築為當地中國女孩翻新餐廳及修補烤爐，之後又落海捉魚整蛋糕。
今集去到希臘就玩「廚師 x 建築師」。當廚師謝霆鋒遇上建築師吳彥祖，佢哋去到海邊捉魚，用水泥修補烤爐，以建築為靈感整蛋糕，翻新餐廳，二人合作無間，不過期間佢哋又經常互寸。好似霆鋒喺沙也上畫翻修「設計圖」，讀建築出身嘅吳彥祖就忍唔住話：「看這個圖就知道你沒學過建築。」之後落海捉魚，霆鋒就話：「如果這麼大的網都抓不到魚，那麼吳彥祖就要跳海了。」
期間，二人互相分享人生感悟同家庭生活，回憶以前拍戲時嘅點滴。霆鋒大讚年輕嘅吳彥祖好嫩口，仲話當年拍戲受傷嘅情境，「不是瘋狂是拼命。」；吳彥祖就話霆鋒做咩嘢事都係「嚟真」，講講吓仲講埋馮德倫，又話佢自戀又多白頭髮，仲話要快啲拍番套《特警新人類3》，再遲啲就變咗係《特警老人類》咁話。
隨後，霆鋒又講到咁多年嚟身份嘅轉變，「自己從『謝賢兒子』到後來介紹父親是『霆鋒爸爸』。」確實係經過唔少努力；而吳彥祖也講起自己近幾年減少工作，係為咗陪女，「女兒現在五歲，她越來越大，不知道以後該怎麼和她相處。」仲請教二十歲嘅中國女孩點樣同爸爸相處。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
