2018年12月11日 星期二

【淡水魚生後又一力作】TVB介紹食流浮山生蠔 港台節目睇法無咁樂觀 __,TVB,

繼《大灣區活好D》由肥媽推介食淡水魚生後又一力作,TVB節目《香港原味道》今次介紹大家食流浮山生蠔。唔少網民睇完之後都話怕怕,擔心生食珠江口養殖嘅蠔「 ...




繼《大灣區活好D》由肥媽推介食淡水魚生後又一力作,TVB節目《香港原味道》今次介紹大家食流浮山生蠔。唔少網民睇完之後都話怕怕,擔心生食珠江口養殖嘅蠔「同食化學元素表冇咩分別」。

為咗釋除大家對食本土養殖生蠔嘅疑慮,其實節目已經好落力講解,指啲蠔先經過清洗,再放入淨化池淨化48小時(池水抽取自150米深嘅乾淨地下水),而呢一系列淨化系統係由漁護署提供技術支援,並有本地大學設立嘅實驗室檢驗經淨化嘅生蠔(包括驗大腸桿菌、副溶血性弧菌、沙門氏菌、霍亂弧菌),確保生蠔含菌量達安全食用標準。

就咁聽起上嚟似乎把關十足,啲蠔可以放心生食喎。不過,網民都仲係唔放心,因為佢哋講笑咁話啲主持人都係食半隻就算喇。然後更有人發現,香港電台喺11月19日上載至影片分享網站嘅節目《鏗鏘集:自食其膠》,亦有提及到流浮山養殖蠔,但睇法就無TVB《香港原味道》咁樂觀,事關節目強調微塑膠污染物。

《鏗鏘集:自食其膠》節目旁白提到:「流浮山有近萬蠔排,與內地珠江水相連。據聯合國環境署數據,珠江在全球十大塑膠污染河流中排第七,每年流經的塑膠垃圾有五萬多噸。」另外亦提到,中文大學環境科學課程主任陳竟明呢兩年幾以來,一直追蹤流浮山蠔嘅微塑膠水平變化,綜合化驗結果得出:「平均一隻約重十克的蠔,就發現六十至一百顆微膠粒。不過全球都無規管食物中的微塑膠水平,所以無法衡量食用風險。」雖然係咁,但陳竟明補充:「微塑膠製造過程含塑化劑或其他化學物質,對人體有一定影響,主要擔心對生殖、生理的影響。」

兩個節目都講流浮山蠔,一個話安全食用,一個表示擔憂,作為真正食落肚嘅你哋又點睇呢?

鍾意就快D Share啦!
Related Posts Plugin for WordPress, Blogger...