林敏驄年輕時已經縱橫填詞界，後來殺入幕前成為「無厘頭」始祖，今年圓導演夢，更請得洪金寶及恬妞助陣。這位事業贏家在圈中人緣不俗，但偏偏與父親的關係似近還遠，林敏驄日前接受《蘋果》專訪，坦言父親離世後，他才得知自己與胞姊林敏怡原來是父親一生最大的驕傲。林敏驄無奈地說︰「佢走咗，我先至識珍惜。」
撰文︰祖李
攝影︰林德雄
相關新聞：拒與陳百強鬥抑鬱
現年59歲的林敏驄是香港著名的填詞人，後來轉戰幕前，憑着急才、搞笑天份，成功入屋。拍過不少搞笑電影及電視的他，多年前就希望可以執導拍戲，今年終於圓夢，首次自編、自導、自演賀歲片《如珠如寶》，其中一個鼓勵林敏驄的人，就是為他再拍港產片的洪金寶。戲中講的是父子情，林敏驄日前接受《蘋果》專訪時，提到父母時卻欲言又止。
文字傳承父親
自80年代開始填詞的林敏驄，作品接近400首，經典作品多不勝數，問到父母對他創作的影響，林敏驄搞鬼地說︰「呢個我唔清楚！可能係太公、太婆……父母都有少少，音樂係媽媽多啲，媽媽教音樂，文字就傳承爸爸。」林敏驄的父親是小學老師，他形容父親「嚴得嚟又OK慈」，他中學時期經常被罰留堂，也會被父親藤條侍候。
不過中學時期，也是林敏驄的創意開始爆發的時期，至於看甚麼文學作品，林敏驄笑說︰「中學都係睇鹹書呀咁！增加各方面求知慾，嗰陣有啲老師開明啲，叫我哋睇新詩囉，鄭愁予、余光中嗰啲，尤其係前者，佢用字好靚，令我覺得原來字可以咁玩！」他續言：「我寫嘅歌詞全部係心聲，亂咁寫。初初搵靈感，係對住黑色牆，好似入到天際裏面，但寫寫吓都唔使，可以天馬行空。」
雖然林敏驄提到文字是傳承自父親，但其實他與亡父生前關係疏離，尤其母親早亡，父親再續弦後，令父子更見分歧。後來他從同父異母的兄弟口中才得知，他與身為作曲家的胞姊林敏怡，是父親一生最大的驕傲。
相關新聞：拍洪金寶：係咪前世欠咗我
離開才懂珍惜
與父親在醫院祖孫三代初相見一幕，更令林敏驄印象深刻，不過他無奈地說︰「佢走咗，我至識珍惜，電影裏面好多畫面，令我突然諗番起佢同我傾偈。我記得爸爸入醫院，將要辭世，當時細仔啱啱出生，嗰陣好多人話好棹忌，話老人家走會帶埋啲細路仔，你去醫院探要掛條紅繩，嗰陣我都諗『咁麻煩，𠵱家先嚟搞呢啲嘢！』但調番轉諗，再唔去就冇機會。」在電影中，張繼聰與陌生人吳耀漢孕育出一段父子情，有一場戲張繼聰向吳耀漢說「對不起」，戲中張繼聰是借吳耀漢向亡父道歉，但這何嘗不是林敏驄隔着銀幕借張繼聰的口送給亡父的說話。
提到父親，林敏驄雖然欲言又止，但依然娓娓而談，不過談到兩個兒子，他卻三緘其口。大兒子林肯今年成為DSE尖子，所有科目全取5*或以上，數學、化學及經濟科更取得5**，成績非常優異，但林敏驄卻隻字不提，或許沉默對他來說，也是愛的表現。
曾有過兩段婚姻的林敏驄，第一任妻子是87年港姐亞軍李美鳳，兩人90年在加拿大秘密註冊，可惜婚姻只維持五年。98年與落選港姐陳伶俐再婚，對方為他誕下兩名兒子林肯及林善，可惜在08年離婚收場。曾經滄海，問他將來會否再婚？林敏驄打了個突︰「再婚？咁大鑊，搵日」是受離婚影響，不再相信愛情？他淡然說︰「將來嗰啲影響多啲，睇吓嚟到係乜料！」
寫嘢要用真心
其實離婚後，林敏驄身邊各國佳麗如車輪轉，韓妹、洋妞，還有俄籍女友Natasha，可惜皆是曇花一現。林敏驄強調︰「𠵱家都有純真㗎！咁啱啱出嚟寫歌嗰種少男情懷梗係不再，但寫嘢要感動人，要用真心寫，以心對心，人哋就可以感受到。其他人點睇唔重要，因為全部都係瞎子摸象。」差點忘了，林敏驄以「無厘頭」形象深入民心，愛用極誇張的手法呈現世情，他的人生也如戲一樣，林敏驄卻有另一種看法︰「笑中有淚唔一定係慘！可以係感動嘅淚，在淚中可以睇到開心、明天，好深嘅！」
|
鍾意就快D Share啦！
|
|
|