林敏驄覺得電影領域大，可以將「十八般武藝」集大成，他坦言填詞幾年已到頂，因為不能完全發揮他的創意︰「填詞五年，我已經贏盡所有嘢，包括將老一輩嗰啲淘汰，將新一輩絕後，冇人可以取代我做出嚟嘅成績。做到已經覺得冇嘢好玩，咪轉幕前，拍《點解咁好笑》做喜劇。」
相關新聞：拍洪金寶：係咪前世欠咗我
80年代就開始填詞的林敏驄，其中一首經典作品就是中學同學陳百強的《深愛着你》。雖然他寫的大部份是自己心聲，但也會按歌手形象去寫，陳百強在他眼中是純情少男，於是他就用最淺白的字眼︰「《深愛着你》好啱陳百強，情歌一般都啱佢，除非好似阿B（鍾鎮濤）戇居居，咪寫啲戇居居畀佢。」
提到中學時代生活，林敏驄透露陳百強相當低調，兩人的友情反而是入行後才建立︰「佢一出碟已經係巨星，合作後我哋建立咗友情，但我性格較開朗，佢沉鬱嗰陣我咪唔同佢溝通，冇理由大家鬥鬱，變老屈㗎！」
來源 source: http://hk.entertainment.appledaily.com
|
鍾意就快D Share啦！
|
|
|