內地反貪後，對本港零售市道及奢侈品市場有著重大改變。面對內地遊客來港消費習慣大不同，昔日豪氣送禮不再，珠寶鐘錶行業亦作出應變。創立超過半世紀的龍頭鐘錶零售商東方表行(398)，對來年奢侈品市場走勢不太樂觀，實行淡市三招求生術，控制成本，舖租「計唔惦數，就閂埋間舖，無謂做落去」。
東方表行集團執行董事林慶麟指出，當經濟好，公司出花紅，開心日子就多人買錶，然而，中美貿易戰搞亂全球經濟，「佢(指特朗普)做嘢出人意表，大家都估唔到！佢今日可以話一，聽日可以話二，後日可以話一、二都唔係，其實係三，我哋好難跟！」集團除「穩守突襲」外，無進取地擴充開舖，更重要控制成本。林氏表示，從2013年自由行巔峰期回落，「我地計完成本後，唔得嗰啲(舖)就閂左佢，得嗰啲就保留，減存貨，改善財務減低營運成本」。
他指，公司營運兩大經常開支，第一是租金，第二是薪金，最低工資下，底薪不能減；佣金跟隨市況浮動，難以控制，所以向租金著手，若我們能將租金減少約4成，公司每年便會多出逾數千萬元利潤，純利可獲改善。東方表行於皇后大道中100號的旗艦店，乃該廈2006年落成時首批租戶，在中環開業12年，見證一代中環人誕生，該舖將於來年3月尾結業，搬遷至同區較前的陸佑行。
他坦言，旗艦店舖空間過大，若搬去一個較細的地方，成本較易操控，人手開支減少，利多於弊。目前開舖策略，林說：「要計得掂條數，計唔掂條數，我一定係閂埋佢，無謂再做落去！」東方表行的分店數目亦由高峰期達100間，減至目前約70間。削減成本後，該集團11月發盈喜，截至今年9月底止，半年盈利達6,400.5萬元，按年增長39.04%。
儘管盈利好轉，但豪客一去不返。他憶述，自由行巔峰期間，內地客一般不問價，有幾多買幾多。惟內地打貪，內地客購物心態由「送禮」轉成「自用」。他說，「送禮唔會計較款式同價錢，但自用，你就會好計較。你會問多兩次，會挑剔好多，所以依家可能係買一隻兩隻(錶)。」目前集團售出手錶，八成售價低於20萬元，售價超過20萬元的銷售量，較過往較巔峰期少一成，反而，價格介乎5萬至10萬元中檔腕錶最熱銷，存貨金額亦由2013年約21億元，減持至目前約9至12億元。
記者 黃朗鈞
攝影 張飆
| 東方表行林慶麟表示，減租及關閉回報率低分店，乃重要控制成本方法 | |
|
鍾意就快D Share啦！
|
|
|