劉愷威和大陸女星楊冪今日發出聯合聲明，承認離婚，結束5年的婚姻關係，兩人會共同撫養囡囡小糯米。
適齡嘅小糯米喺香港入讀維多利亞幼稚園，由爺爺劉丹夫婦照顧，楊冪偶爾嚟香港探望，16年暑假結束前，學校安排未夠3歲小朋友提早開學返幼稚園學前班。《蘋果》當日影到楊冪喺香港親自抱囡囡「小糯米」返學前班，未見劉愷威陪伴，反而奶奶劉媽媽就母代子職，陪新抱同孫女返學，被家長爆料指從冇湊女返學嘅楊冪反擊：「我一有空就回來送她上學。」當時有報道指「小糯米」幼兒班畢業唔見佢父母，楊冪之前喺內地出席活動時反駁：「小糯米還沒有上幼兒園，所以不太清楚怎麼會有幼兒園畢業典禮的說法。」及至影到楊冪湊女返學，佢見囡囡進學校後接受訪問話囡囡返學冇喊，喺學校好好。（新聞連結： https://bit.ly/2QLafM0 ）
雖然近年劉愷威同楊冪屢傳婚姻亮紅燈，但兩公婆其實都好錫囡囡，去年被讀者透過《蘋果》「爆相爆片」影到佢哋兩公婆合體陪女出席學校親子運動會。
讀者李小姐當時影相後話現場見到兩夫妻交流唔多，當日仲帶咗爺爺劉丹同嫲嫲一齊去運動會，當要陪囡囡落場玩運動項目時，主要係劉愷威陪囡囡參與，而媽咪楊冪就企埋一邊冇出聲兼冇乜幫手。（新聞連結： https://bit.ly/2SiLIuk ）嗰次算係一家三口最後合體被拍到享家庭樂。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|