【爆相爆片】撇低老婆同仔 天明口罩墨鏡逛宅男勝地 __,洪天明,爆相爆片,

44歲嘅洪天明同06年港姐亞軍周家蔚結婚後育有兩子，分別係五歲嘅大仁同兩歲嘅竟琋。平時忙於搵食養家嘅天明，一有空閒就會陪兩個仔玩，之前就趁學校假期，一 ...

44歲嘅洪天明同06年港姐亞軍周家蔚結婚後育有兩子，分別係五歲嘅大仁同兩歲嘅竟琋。平時忙於搵食養家嘅天明，一有空閒就會陪兩個仔玩，之前就趁學校假期，一家四口去咗番禺一間動物園親子樂。（ 相關新聞： https://bit.ly/2QHsQE4 ）

不過做嘢咁辛苦，點都要有自己嘅時間同空間。《蘋果》讀者李先生早前透過爆相爆片，話見到天明一支公，去咗出名多潮流玩物嘅旺角信和中心。李先生接受電話訪問時話：「嗰時大概下晝4點45分左右，喺信和一樓見到天明。原先都唔認得佢，因為戴晒口罩、太陽眼鏡同帽，係佢開口講電話至認得佢把聲。」李先生話天明應該係常客，因為佢好知門路去搵心頭好，集中都係睇電話配件好似Apple Watch錶帶同電子遊戲，完全係一名大細路。之後天明坐扶手電梯上咗3樓，跟手除埋個口罩漫無目的行咗一個圈就落番地下大堂。最後天明排隊坐電梯，上樓上店再睇。

精選娛聞，喺晒《娛果》

http://fb.com/appledailyent

（讀者提供圖片）	洪天明包到實，讀者話聽到佢講電話先發現佢。（讀者提供圖片）	 讀者話天明好熟路，係一個大細路。（讀者提供圖片）
 行完商場，天明再排隊搭lift上樓繼續睇。（讀者提供圖片）

來源 source: http://hk.entertainment.appledaily.com

鍾意就快D Share啦！

下一篇 》