掃呢頁CODE去手機

2018年12月10日 星期一

【百分百感覺回歸】三人再唱《問我》 鄭秀文「揸」伊健大髀 __,鄭伊健,鄭秀文,

鄭伊健明年2月紅館開個唱,門票明天開賣,早前伊健開演唱會消息一出,即掀起全城撲飛潮,而圈中好友們亦一呼百應,最近在商台節目,除天后鄭秀文(Sammi) ...




鄭伊健明年2月紅館開個唱,門票明天開賣,早前伊健開演唱會消息一出,即掀起全城撲飛潮,而圈中好友們亦一呼百應,最近在商台節目,除天后鄭秀文(Sammi)、葛民輝、好兄弟陳小春,就連息影10年的黎姿亦獻身撐伊健,第一集由Sammi和阿葛打頭陣,互爆廿年前拍戲的笑料,席上Sammi更一償所願「揸」伊健大髀,親手引證傳聞!

Sammi、伊健和阿葛22年前第一次合作電影《百分百感覺》,看到當年拍攝的電影海報,回憶湧現。伊健更突然指住Sammi笑言要爆料:「有一次我哋喺天台拍戲,佢著住校服,突然講咗一句『我要曬太陽』然後就瞓咗喺度曬太陽。當時我心諗『你好多雀斑喎,仲曬?』哈哈!」相識廿幾年,老友無所不談,Sammi大膽提出「揸」伊健大髀,她說:「傳說中鄭伊健條腿好粗,好似80年樹幹咁粗!」她用雙手箍住伊健大髀量度,說:「原來都唔係吖!」伊健解釋:「可能以前健身舉鐵!」

訪問期間又爆料,,阿葛提議3人再上合唱電影中比賽歌《問我》,還即場預演熱身,Sammi拿起結他邊彈邊唱,阿葛和伊健就拿著搖鼓和沙鎚跳舞,卻不斷走錯位,亂晒籠,笑到Sammi標眼水!

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!