無綫小花陳瀅原來很介意以往自己的花邊新聞，掩蓋了在演戲方面的努力及付出，而早前她與前輩羅蘭上演的「嫲孫情」獲視迷激讚，令她吐氣揚眉兼「一雪前恥」﹗戲裏戲外的她同樣為至親憂心，現實中婆婆大病後逃過一劫，教陳瀅更明白「珍惜眼前人」的可貴。
陳瀅入行以來一直沒有隱瞞自己的身世：小時候生父病逝，媽媽隨後嫁內地經營大型商場的後父，她與後父關係不錯，不過由於父母忙於工作，經常留守廣州，故將她送到加拿大多倫多，交由婆婆照顧。由於多年來兩婆孫「相依為命」，早前年屆92的婆婆患上腎病，老人家不肯乖乖就醫，此時剛巧無綫聯絡她拍攝台慶劇《跳躍生命線》，陳瀅研究劇本時知道戲內「嫲嫲」羅蘭患上肺癌，女神頓時感同身受，眼淚要多少有多少，十足經典日劇《一公升眼淚》，當劇集播放到這段「嫲孫情」時，視迷一致大讚陳瀅的催淚演出。
拍劇勾心痛回憶
「當初唔理解點解婆婆唔肯醫病，但依家冷靜過後我反而覺得係自己自私，只係顧住我嘅感受。其實老人家有老人家嘅想法同打算，可能佢哋想安安樂樂咁過埋餘生，我要學識尊重家人嘅意願。」陳瀅如是說。兩婆孫因陳瀅返港發展後經常分隔兩地，自然更珍惜相處時光，拍攝《跳》劇期間被劇情勾起陣陣心痛，陳瀅完成戲份後即不顧一切飛返加拿大探望，此時傳來婆婆病情受控的好消息，令她鬆一口氣，總算度過了人生「最黑暗的歲月」。
單身盛女冧細心男士
個多月前度過29歲生日，獲封女神的她至今未覓得「命中注定」，一眾閨蜜為她舉行慶祝派對時竟遇上尷尬事，她靦腆憶述：「女朋友們都同另一半赴會，得我同蔡思貝係單身，我同佢你眼望我眼……」說到擇偶條件，陳瀅明言首要「夠細心」﹕「唔知呢，我會因一啲小事而感動，講出嚟或者大家會覺得我傻傻哋……好似我出Trip冇時間買電話卡，佢自動波幫我搞掂，又或者我拍戲收工好攰，佢肯管接管送，我真係會加分㗎。其實年紀愈大，愈發現自己重視嘅係嗰份關心同心意，而唔係物質。」
老人家潮學facetime
如果要數「世上最疼愛的人」，婆婆一定在陳瀅心中的榜首，不過這對婆孫亦有鬥氣時，求學時期陳瀅試過「離家出走」，搞到婆婆向她揮刀！談起這段舊事，她不禁說：「中學時我覺得自己大個嘞，好想出街玩，試過放學好夜都未返屋企，婆婆後嚟打電話畀我，我直情冇聽，點知返到去，佢坐喺廳揸住把菜刀等緊我，問我點解唔聽電話！」鬥氣過後，這對婆孫自然很快冰釋前嫌，婆婆為多見孫女，更「潮爆」跟陳瀅學玩facetime。
服飾：PortsPURE
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
