劉心悠「非」常愛心做未婚媽媽
曾表示未想拍拖的劉心悠，突然宣布「升呢」做媽媽！早前她首次去非洲做一星期探訪活動，即場助養兩名當地同一家庭的小女孩。提起「女兒」，她即冧笑說：「佢哋好嗲我，依家成日都會掛住佢哋，唔知佢哋做緊咩、會唔會肚餓？助養係一件好得意嘅事，我哋冇血緣關係，但有種能量去Share畀唔識嘅人，所以唔排除再助養。」雖然只是短暫相處又言語不通，但雙方仍建立深厚的「母女情」。臨離開前，她親自為囡囡全家添新衣。
積極好重要
提到14歲大家姐「囡囡」，她心痛說：「佢每日放學都要抬20舊磚頭行15轉，都只係賺得2蚊港幣，完全唔夠支撐整個家庭。我試過去抬都抬唔到，但佢都冇放棄，為家人生存嘅力量好大，真心為佢感到驕傲。」又指之後再去難民營探訪，見到好多小朋友被迫「長大」，感受特別深：「突然覺得我人生中嘅問題唔係問題，自己其實好幸福。積極嘅人生觀好重要，如果唔係好容易自殺。」
來源 source: http://orientaldaily.on.cc
|
鍾意就快D Share啦！
|
|
|