【爆相爆片】男友白只擔當攝影師 顏卓靈餐廳晒恩愛 __,爆相爆片,白只,顏卓靈,

顏卓靈（Cherry）同白只前年被《蘋果》率先爆佢哋拍拖，仲被影到喺公園激咀（相關新聞：https://bit.ly/2LEpFM0），兩人係因為合作 ...

顏卓靈（Cherry）同白只前年被《蘋果》率先爆佢哋拍拖，仲被影到喺公園激咀（相關新聞： https://bit.ly/2LEpFM0 ），兩人係因為合作電影《大樂師：為愛配樂》、《今晚打喪屍》撻着，戀情曝光後，佢哋愛得更加熾熱，經常喺公眾場合晒恩愛。早前有讀者冼先生見到佢哋，拍拖去到一間連鎖日式餐廳醫肚，仲透過本報「爆相爆片」分享照片。冼先生話當日下晝3點幾，見到Cherry同白只行入餐廳，冼先生話：「開頭都唔認得佢哋，係佢哋講嘢先認出。」當時正好係下午茶特價時段，兩人分別點咗兩個熟食套餐。

Cherry嘅餐先到，未有嘢食嘅白只攞起手機，為女朋友拍照，女友亦盡力配合影相。影完相，白只仲含情脈脈望住Cherry，搞到女方都有啲唔好意思。唔使半個鐘佢哋用餐完畢，各自攞手機出嚟玩，直到冼先生埋單佢哋都未離開。

精選娛聞，喺晒《娛果》 http://fb.com/appledailyent

	白只充當攝影師密密影女友食飯。（讀者提供圖片）	 白只含情脈脈望住女友食飯。（讀者提供圖片）
 食完飯兩人都攞手機出嚟玩。（讀者提供圖片）	 白只同顏卓靈都有份演出《今晚打喪屍》。	 顏卓靈另一部同男友合作嘅電影係《大樂師》。

來源 source: http://hk.entertainment.appledaily.com

鍾意就快D Share啦！

下一篇 》