網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年1月4日 星期五

英超Fever:【冬季轉會】球探報料 曼聯簽硬中島翔哉 __,曼聯,

曼聯管理層之前唔肯開水喉畀摩連奴買人,但依家由蘇斯克查執教後,成績大為改善,會方亦願意斥資畀佢收購心頭好。根據葡萄牙媒體《Ojogo》爆料,曼聯已經派 ...




曼聯管理層之前唔肯開水喉畀摩連奴買人,但依家由蘇斯克查執教後,成績大為改善,會方亦願意斥資畀佢收購心頭好。

根據葡萄牙媒體《Ojogo》爆料,曼聯已經派出球探,觀察葡超球隊樸迪莫倫斯嘅日本翼鋒中島翔哉表現,準備將佢收歸旗下。

其實曼聯一直希望簽翼鋒,頭號目標係國際米蘭嘅比列錫,但卻未能成事,依家轉為打中島翔哉主意,因為樸迪莫倫斯只係細球會,比較易話圍。紅魔鬼近期亦幾次派人去睇呢位24歲日本國腳比賽,對佢好有興趣。

曼聯原本打算今季結束之後再出手買人,但由於修咸頓、狼隊都想簽中島翔哉,逼使曼聯要提早於今個月收購。

身穿10號球衣嘅中島翔哉喺東京綠茵出道,亦效力過FC東京,曾外借富山勝利。2016年佢帶領日本U23捧走亞青盃,並且當選MVP大露鋒芒,2017年9月轉投葡超樸迪莫倫斯。

雖然中島翔哉身高只得1米64,但腳法細膩,傳送功夫好,跑動勤且速度快,上季上陣31場入10球,貢獻12次助攻,今季踢10場聯賽亦入咗5球,畀當地記者封做外號「小皇帝」。

中島翔哉早已引來兩支西甲球隊西維爾、愛斯賓奴注意,估計佢身價上升至4000萬歐元。曼聯依家加入爭奪行列,可能令中島翔哉繼香川真司之後,成為另一位成魔嘅日本球員。

支持本地運動員,一齊去「睇體」!

https://bit.ly/2DxX4XI 

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!