藝人簡淑兒出席職安健活動，表示小時候都有參加這些畫畫比賽，但上台攞獎時總會腳震，到現時都上台仍會驚：「真係唔知點解，對鏡頭我冇嘢，但一多人就會咁，依家上台都會手震，控制唔到，就算入咗行都係咁。」講到近況，她表示最近放大假，剛剛與朋友去完日本旅行回來，月尾或下月頭會回美國探家人兼旅行：「因為想同陳婉衡夾吓，佢返加拿大，我就諗住叫佢過嚟一齊玩。」
自嘲似松鼠
講到有傳她因拒絕與經理人續約，所以遭公司雪藏，又有傳遭無綫封殺，問她最近經常去旅行，是否少了工作做？她表示：「我都有嘢做嘅，早幾年好chur，成日做嘢冇乜放假，依家就一次過放番晒啲大假，之後就又嚟過啦。（收入有冇影響？）都ok，我成日話自己似松鼠，會儲埋好多，返工嗰陣冇時間使錢，一放假就會使晒，見倉底又繼續努力。」
家姐爭畀錢
她亦謂跟經理人的合約4月尾、5月到期，問到去向如何？她謂：「仲傾緊呀，唔知原來咁多嘢要傾。（定會唔會索性簽畀無綫？）未決定，仲傾緊。」問到可被合約搞到很煩？她坦言：「之前新年都有，都有同屋企人傾，佢哋都話好多嘢擔心唔嚟，唯一係做好手頭上工作，有時同家姐食飯佢都話爭住畀錢，好似驚我冇收入咁，但放心，我有做嘢嘅，哈哈。」
來源 source: http://hk.on.cc
|
鍾意就快D Share啦！
|
|
|
