2019年3月14日 星期四

【add名人時尚】切8mm膀胱瘤 許冠傑大仔許懷欣癌後康復消瘦30磅 __,癌,許冠傑,許懷欣,

「Keepgoing!Don'tworry,behappy.」許冠傑大仔、獨立歌手許懷欣的人生向來無風無浪,不煙不酒無大病,去年忽然在仔細老婆嫩的42 ...


「Keep going!Don't worry, be happy.」



許冠傑大仔、獨立歌手許懷欣的人生向來無風無浪,不煙不酒無大病,去年忽然在仔細老婆嫩的42歲之齡,驚爆患膀胱癌。幸好早發現早切割,免除做人工膀胱之苦,許懷欣於4個月清減了30磅,走過視為人生最大挑戰的路程,用正能量面對,唱住歌仔感恩每一天。正如他心愛的木結他一樣,「有啲wear and tear,先有personality喺度。」



【屙血尿發現8mm膀胱瘤】

許懷欣(Ryan)受訪當日,剛完成手術後3個月的膀胱癌覆診檢查,醫生叮囑不能太操勞走動,他依然準備了木結他唱歌。事實上,去年11月發現有癌症至今,他盡量繼續手頭工作,例如上月的「阿Sam & 阿Tam演唱會」澳門站巡唱。



「做咗第3個月checkup,so far so good,暫時冇嘢翻發,所以好開心可以返番日常生活咁。如果有翻發,就再cut咗佢。因為早發生,我都可以當係一個wake up call,可以focus番去自己身體,食好啲、做多啲運動,be positive,因為早發現,我唔使食藥或做其他嘢(化療),只係做checkup,算好好彩。」



他指醫生亦無法解釋為何會患癌,皆因自己不煙不酒,亦非在化學廠工作,不算高危一族,他因為小便有血,入院檢查才發現,「開頭以為係腎問題,但一做個CT scan,就見到膀胱有粒嘢喺度,係一粒8mm,即刻入醫院啦,第二日做微創手術cut出嚟,拎去化驗所做test,發覺嗰粒嘢係cancer。」



【切除後兩周復工】

不幸中之大幸,皆因許懷欣去年有3個同樣40多歲的朋友患癌,亦有70幾歲uncle因膀胱癌太嚴重,需要切去膀胱,再以小腸重做膀胱。「入醫院嗰一刻,未confirm情況,知道咗之後,我太太都有喊,大家都好擔心,我都有啲擔心喎,一聽到cancer個字,個心會開始跳啦,and then會諗,我嘅時間係點呢?我個life係點呢?我會唔會去到呢個stage?」



The Rolling Stones結他手Keith Richards的名模太太Patti Hansen,2010年亦曾患上膀胱癌,許懷欣感激上天眷顧,做完手術休息了兩星期就可以復工,再玩自己喜歡的音樂,「我珍惜每一日、每一次上台、每一個家庭聚會,所有嘢都好感恩,感恩每日有咁嘅機會同囝囝一齊玩。」



撰文:林妙萍

攝影:周樂恒

攝錄:林德雄

場地:紅樓Redhouse



-------------------------

《蘋果動新聞》訂閱新世代,4月開始免費訂閱,現在接受登記!

http://bit.ly/2Ja3IXw

-------------------------

全港打工仔特約:Lun廚動腦Q

加開1:30pm

3月11至22日

星期一至五1:30pm 10:30pm

http://bit.ly/2IZA8Ef





 許懷欣患癌後,首次剖白心路歷程。 許懷欣患癌後,首次剖白心路歷程。
 因擔心及戒糖和澱粉質,許懷欣四個月內瘦了30磅。

因擔心及戒糖和澱粉質,許懷欣四個月內瘦了30磅。
慶幸發現得早,他多次提醒大家要多注意身體健康,有問題火速求診。

慶幸發現得早,他多次提醒大家要多注意身體健康,有問題火速求診。
癌症突然來襲,Ryan希望用正能量面對未來。

癌症突然來襲,Ryan希望用正能量面對未來。
 許懷欣和歌神爸爸許冠傑、媽咪及弟弟。(資料圖片)

許懷欣和歌神爸爸許冠傑、媽咪及弟弟。(資料圖片)
Ryan和太太育有一對孖仔。(資料圖片)

Ryan和太太育有一對孖仔。(資料圖片)

鍾意就快D Share啦!