謝安琪前晚在「KKBOX香港風雲榜」中演出，她臨場遇上耳機失靈，聽不到自己歌聲、也聽不到樂器聲，唱完第一首歌《羅生門》已驚慌得在落台時流淚，之後再跟Supper Moment上台表演，要由鼓手阿達幫她打拍子，主音Sunny於合唱時盡量貼近謝安琪唱歌，讓她知道唱到哪一句。
全部干擾聲
演出後謝安琪說：「原本準備咗自己嘅耳機，但表演前有干擾，大會工作人員換咗第二對畀我，換完之後一上台就已經係冇聲，除咗冇自己把聲亦都冇樂器聲，全程耳仔就好似收音機追台咁，全部都係干擾聲，自己從來都未試過喺台上面咁無助咁徬徨。」老公張繼聰昨日在Ig貼文安慰老婆：「今次之後，可以更加膽生毛啦，上到台冇嘢驚，經歷係用嚟強化自己嘅。312，個宇宙預早送呢份禮物畀你，等你再level up，算係咁」
此外，「年度風雲歌手」之一張敬軒打頭陣演出唱出四首歌，當中有一首全新歌《YOU》，並帶來一班舞蹈員伴舞，張敬軒其後受訪時說：「今日做咗跳唱歌手，因為新一年想畀一啲新鮮感大家，隻舞都排咗幾日。」
採訪：曹家誠
攝影：沈健程、陳慧安
|
鍾意就快D Share啦！
|
|
|
