掃呢頁CODE去手機

2019年3月14日 星期四

沈卓盈:C1:沈卓盈英法夢幻婚照布吉秘嫁 __,沈卓盈,

沈卓盈(Jess)與拍拖3年的圈外男友Calvin「閃」婚,二人先到英國和法國影婚紗照,2月再到泰國舉行婚禮,全程美滿浪漫。Jess坦言Calvin達 ...


沈卓盈(Jess)與拍拖3年的圈外男友Calvin「閃」婚,二人先到英國和法國影婚紗照,2月再到泰國舉行婚禮,全程美滿浪漫。Jess坦言Calvin達成她做公主坐馬車以及在巴黎鐵塔下影婚照的心願。

34歲藝人沈卓盈早前離開無綫向外發展後,事業順利,每當提到拍拖3年、從事內衣生 意的男友Calvin婚事時,一直表示有好消息便會通知大家,更漏聲氣會隨時「閃」婚。昨日,Jess突然在IG晒婚照,初時以為她只是公布即將結婚,但原來兩人已於2月16日在泰國布吉秘密結婚,令人驚訝,由於接近情人節,婚禮倍添浪漫,不過送嫁的姊妹團竟然不是「少婦聯盟」成員,而是何傲兒和陳自瑤等人。婚禮中,Jess穿着婚紗及傳統裙褂,在甜蜜浪漫氣氛下,與Calvin訂終身。

出動南瓜車圓公主夢

Jess 在IG留言:「從不期望驚天動地的愛情,只求細水長流的甜蜜。不知不覺間原來我們的緣分源於十年前的一面……再一同走向人生的新一頁,成為相依相伴的伴侶。」婚照中,向來有睇頭的她穿上超Deep V婚紗,騷胸晒長腿,非常養眼。

昨日新娘子接受電話訪問,提到布吉婚禮,她只賣關子說:「多謝大家關心,有乜嘢聽日活動再同大家講。」 又透露Calvin上年中向她浪漫求婚,年尾時秘密去了法國和英國拍攝婚紗相,兩人更在巴黎鐵塔下相擁合照。

問到求婚過程,她笑言:「留番少少秘密畀我哋我好鍾意法國,佢又鍾意英國,所以揀咗呢兩個地方。」Jess準備了四套不同地方包括以色列及紐約的婚紗,她說:「啲婚紗係我揀嘅,驚寄失,所以自己託運過去。成個行程8日,我哋有兩日影相,每日足12個鐘,但覺得好開心,Calvin好唔習慣對鏡頭,好緊張,我惟有不停指導佢擺甫士,不停 引佢笑。」

原來兩人一年前去過巴黎,當時Calvin在寒風中替她影相:「佢好細心,影到隻手紅 晒、紫晒,真係好感動,我當時都許咗個願,希望將來可以喺巴黎鐵塔下影婚紗相,依家願望成真,好開心。」

Calvin更秘密準備了南瓜馬車, Jess興奮說:「我嗰日係完全唔知㗎!見到真係嘩一聲,自己就好似公主咁,感覺好夢幻!(畀滿分老公)如果滿分120 分,我會畀100分,等佢有進步空間。」

事業為重 生B講緣分

問會否再在香港擺婚宴?她表示未定,有好消息會通知大家。講到是否趕生B,她說:「我覺得呢一刻以事業為重,生B要講緣分。(離開無綫因為要結婚?)唔關事,純粹 為自己事業,今年所有嘢對我嚟講都係好嘅轉變。」

更多新聞,請瀏覽東方日報網頁:

http://orientaldaily.on.cc/


來源 source: http://hk.on.cc
鍾意就快D Share啦!