網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年3月10日 星期日

西甲:皇馬會長癲咗 破產都要簽尼馬 __,尼馬,

皇馬今季四面楚歌,西甲爭標無望,喺歐聯又慘敗,並傳會長皮里茲同隊長沙治奧拉莫斯爆衝突,內部一片立立亂。據悉,皮里茲已經被逼到「發癲」,要不惜一必代價, ...


皇馬今季四面楚歌,西甲爭標無望,喺歐聯又慘敗,並傳會長皮里茲同隊長沙治奧拉莫斯爆衝突,內部一片立立亂。據悉,皮里茲已經被逼到「發癲」,要不惜一必代價,令「銀河艦隊」重振聲威。

根據西班牙《每日體育報》爆料,皮里茲計劃以破世界紀錄轉會費嘅3.5億歐元(約31億港元),收購巴黎聖日耳門(PSG)球星尼馬,希望用佢填補C朗離隊之後嘅「靈魂空缺」。

據悉,皮里茲認為自己最失策地方係出售C朗之後,冇買入同級數巨星代替佢,先至搞到球隊陷入目前困境。皮里茲為咗幫自己補鑊,決定不計成本都要買番1位巨星。

之前有傳皇馬想收購夏薩特,但由於車路士被國際足協罰禁止於未來2個轉會窗簽人,好大機會拒絕出售夏神,皮里茲唯有轉為打尼馬主意。

巴黎聖日耳門兩年前用破世界紀錄嘅2.21億歐元買斷尼馬,佢現時同PSG仲有3年合約,皮里茲要買到心頭好,絕對要再出天價。

皮里茲唔止開到3.5億歐元轉會費,更加向尼馬提供一份年薪達到4500萬歐元嘅5年合約,誓要搶到呢位巴西國腳。

尼馬加盟PSG之後,曾經傳出佢同隊友卡雲尼不和,早有離隊之心,加上球隊於歐聯16強出局,令佢意興闌珊,話唔定真係會接受皇馬邀請加盟。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!