歌手陳曉東（東東）首次在紅館舉行演唱會，唱出一連串金曲炒熱全場氣氛後，他換上「白馬王子」造型唱出《感覺瞬間》等曲，期間更坐在延伸舞台的咪箱上。唱完《借借你肩膊》後，他表示：「人生要選擇幾件自己開心嘅嘢，好多時未必係工作關係。」隨即笑言叫大家不要搞喊他，他續謂：「開心係要從心而發，有段時間選擇做自己想做嘅事，人生變成另一種形式，放下外界嘅目光，得到超然嘅自由。」他以蛇會在不同時段脫皮作比喻：「人都要不斷脫下一層層，脫下曾經有嘅包袱。每個人都係粒大磁石，我吸晒你哋過嚟，唔好畀苦楚關閉內心，做自己嘅貴人，內心唔和平，可以選擇沉默，沉默唔係乜都冇，而係充滿答案。」一席話充滿人生哲理。
經歷重重難關
東東透露當初攞到檔期後，第一個是跟媽媽分享，然後扮媽媽反應說：「如果你想做就去做。」而爸爸則說：「你嘅心路歷程我非常清楚。」他笑言父母表面上好客氣、輕描淡寫，其實內心非常戥他高興。之後他喊住叫台下的爸爸媽媽上前攬攬，續爆喊謂：「呢個演唱會差啲要取消，過咗重重難關，知道去任何一個地方都係冇捷徑，離一個星期前個騷都差啲要破滅，媽咪問我『你咁堅持為乜？』我話唔經歷過呢啲風雨，點會見到彩虹？見到彩虹前一定會見到唔想見嘅畫面。」
東東與粉絲聊天，提到想起一種似曾相識的勇氣：「未必係因為你冇立刻達成你嘅夢想，而係嗰啲一直都有嘢打擊你嘅心靈，再去傷心失望同驚，即使今天我冇達成呢個理想，但我都達成咗條好精彩嘅路。」全場即歡呼以示鼓勵，他再眼濕濕表示：「呢一刻完成夢想，我都會繼續行落去，知道原來放下唔代表放棄，我咁多年眯埋眼嘅畫面同依家我擘大眼嘅畫面係一樣！」然後唱出偶像陳百強的《畫出彩虹》。
來源 source: http://hk.on.cc
|
鍾意就快D Share啦！
|
|
|