擁有48吋胸肌兼曾在健美比賽奪冠的郭子豪（Arnold），近年劇接劇，成為無綫力捧藝人之一。入行至今，作為富二代的他雖被冠以「高富帥」之名，但他坦言不想予人「花瓶」感覺，想用實力證明自己是有料之人！
現年27歲的Arnold近年在劇集上有亮眼表現，模特兒出身到成為演員，事業發展不俗，但他沒有驕傲：「一直唔鍾意做模特兒，因為唔想畀人一個『花瓶』嘅感覺，做演員就比較有挑戰性，亦希望可以了解更多演藝上嘅知識，所以修讀過演戲、製片、導演同攝影等課程，加上自己有開Production公司吸取經驗，對我嘅演藝路程有一定幫助。」
兩仔爺乜都傾
入行6年，Arnold除了幕前演出受人關注，其富裕家境同樣成為大眾焦點，名副其實是「富二代」的他，坦言感恩有此成長環境，但不希望被冠以「二世祖」之名：「好感激家人嘅支持令到我可以喺英國讀書，但係讀書後自給自足，可能好多人覺得我可以唔使做，但我一直好努力做嘢，希望用自己雙手打拚，所以啲人話我係咩富二代，聽到仲唔開心過有緋聞，因為自己一直好努力工作，完全冇靠過屋企。」
雖然作為90後的他演齡尚淺，但做事素有周詳計劃，原來推動力來自爸爸，更視對方為「競爭對手」，他說：「我同爸爸感情好好，咩都可以拎出嚟傾，對我嚟講佢係朋友亦係競爭對手，皆因我好清楚知道佢喺唔同階段做過嘅嘢，包括幾多歲有自己公司、買車同買樓等，所以我希望每一步都可快佢少少，亦係我努力工作嘅推動力，相信佢都想我比佢做得更加出色。」
場地：Cubus貳捌
來源 source: http://hk.on.cc
|
鍾意就快D Share啦！
|
|
|