影帝周潤發日前拍電影時不慎受傷，事緣持噴髮劑把玩的黃德斌意外甩手，扑正其額頭，登時頭破血流！周潤發忍痛完成該場戲後始整理傷口，由於傷勢不輕，最終入院鏠五針，但完成治療後沒有休息，反而「速去速回」，趕返拍攝現場繼續開工，盡顯專業！
周潤發及黃德斌日前拍攝電影《驕陽歲月》，該場戲講述周潤發被黃德斌追債，後者把玩噴髮劑作勢恐嚇，但拍攝時卻意外甩手，扑正周潤發左額！受傷的他未有叫Cut機，繼續假戲真做，完成該場戲時才用手緊按傷口，自行步出場景外坐下。此時劇組才驚覺其左額有兩大條「血路」滲出，現場氣氛頓時變得緊張，眾人想湧上前了解其傷勢，他即籲大家保持冷靜，並要求用清水沖洗傷口。
發嫂本來在片場外準備午飯，見老公血流披面，即沉着問：「點解搞成咁？」周潤發連聲安慰指傷勢不嚴重，還叫人撥開頭髮，讓老婆視察傷口。由於傷勢不輕，導演潘耀明、監製黃斌及動作指導李忠志等力勸他去醫院接受治療，他臨行前仍不停安慰眾人「定啲、唔好驚！」定軍心，還向導演交代：「我縫兩針就會返嚟繼續……」又笑言：「淡淡定，有錢剩！」盡顯幽默本色。
發嫂特製養傷餐單
經檢查後，醫生考慮到傷口長約一吋多，加上在片場開工，受細菌感染機會極高，提議他縫針，擔心影響拍攝進度的周潤發問道：「我仲要返現場繼續拍攝，又要連戲，唔剃頭髮可以嗎？」在醫護人員細心處理下，最後只剪了傷口附近小量頭髮及縫五針，之後需每日到醫院消毒兼清洗傷口，直至拆線。在醫院逗留約兩小時後，周潤發即趕返片場吃了一頓「Late lunch」，之後立刻埋位拍攝，在場工作人員都不禁讚嘆：「真心佩服發哥嘅專業態度！」
發嫂昨日接受訪問，坦言事發時見到老公血流披面嚇了一跳：「當時劇組叫我入去，我都知出咗問題，見佢流咗好多血，都好Shock（震驚），冇諗到咁，不過我都要冷靜，因為唔想大家太擔心，特別係黃德斌，意外冇人想，我唔想佢太辛苦，所以叫佢同我哋食飯，一齊等發哥返嚟。」她對老公向來無微不至，今次受傷當然亦貼身照料，每天準備的食物都經細心安排：「筍、鵝、豆腐都暫時唔食得住，今日整咗咖喱雞畀佢食，佢至愛，咖喱裏面有黃薑，對傷口好。」
反過來安慰劇組
至於德斌對於自己甩手令周潤發受傷，深感內疚：「當時個樽意外扑咗落發哥額頭度，佢好專業繼續做，導演亦冇嗌Cut，所以我都繼續演落去，直至Cut機後見到佢流血先知咁傷！我真係非常唔好意思，當時真係唔知講乜好。」續指當時大家都很緊張，周潤發卻反過來安慰他們：「佢好犀利，不停同大家講冇事，叫大家唔好擔心。發嫂好好，發哥去咗醫院縫針嘅時候，佢仲叫我一齊食飯，同我講發哥冇事。但我聽到佢要縫針都嚇一嚇，之後佢返嚟繼續開工，再拍嗰場戲我都有啲手震。（有陰影？）係，有少少。」
更多新聞，請瀏覽東方日報網頁：
https://orientaldaily.on.cc/
|
鍾意就快D Share啦！
|
|
|