藝人湯洛雯（靚湯）與朱千雪出席《2019國際中華小姐競選》，穿上密實裝束孖住任評判，期間碰上性感打扮的蔡思貝，獲對方邀請合照，惟兩女為怕比下去，即請伊人食檸檬婉拒合照，場面惹笑。
對於密實打扮被思貝搶Fo，靚湯自嘲曾被人揶揄打扮如大媽，她謂：「今晚咪一改大媽造型，以仙氣亮相囉！（點解咁錫身？）因為主角唔係我哋嘛！有仙氣好過冇。」談到心水佳麗，千雪表示鍾情香港代表陳曉華及溫哥華代表林昀佳，而靚湯則睇好紐約代表吳雅珠。
千雪大讚佳麗質素不錯，更笑謂：「好在我哋唔係今年選，係早啲選咋！今次可以置身事外，我會留意笑容多嘅佳麗，覺得班女仔言談多啲會搞笑啲！」相反靚湯就表示對評分沒有準則，認為佳麗們狀態緊要過一切。對於與舊愛羅天宇同場碰面可感尷尬？靚湯謂：「唔會，大家都係公司同事，都有聯絡，公司會撞到，不過公開場合見應該第一次！（趁今次重新認識？）唔使，都認識咗幾年。（合照？）冇所謂。」說罷二人亦大方合照，未有尷尬氣氛，但羅天宇表現似乎有點拘謹。
來源 source: http://hk.on.cc
|
鍾意就快D Share啦！
|
|
|