59歲的盧惠光有子初長成，他於98年與亞姐黎淑賢所生的長子盧俊諺（Jacky），如今已20歲，在3年前到英國留學的Jacky，憑外形高大及俊朗外表，被電影公司老闆看中，於一部泰國校園電影《The One You Love》演男主角。雖然有個打得的父親，但Jacky的演出卻是文質彬彬的學生王子，片中與女生Stephanie合演學生情侶。此片在泰國、香港和英國三地取景，劇組日前在香港中環蘇豪區拍攝，一場小情侶孭住行樓梯的浪漫鏡頭，過程看似輕鬆，但幾Take後，Jacky卻扭傷腰背，見他手撐後腰，狀甚痛苦，他說：「因為之前踢波傷過，呢個係舊患，今次再傷，都要叫阿爸帶我去睇跌打！」
唔使繼承衣缽
此片純如蒸餾水，沒有激情及親吻場面，對全無演戲經驗的Jacky而言，總算駕馭得來，但身為拳王兒子，不少人對他都有期望，但原來他沒有「功夫底」，亦從未想過像父親一樣，在大銀幕上拳打腳踢，不過，Jacky高大有型，要是在娛圈發展，也不愁出路。至於盧惠光亦沒有給予壓力要求兒子繼承衣缽，他說：「開戲嘅朋友識咗好耐，佢睇住Jacky長大，又幫佢安排去英國讀書，今次佢話開戲，想搵我個仔演出，我見角色係男主角，咪畀佢試吓拍戲係點囉！當係還個朋友嘅人情債啦，當然係讀書為先！（唔係演你擅長嘅功夫片會失望？）唔會，佢拍學生片仲好做番自己！其實我都唔係好想佢入行！」
怕辛苦揀文戲
懂事的Jacky雖然有機會拍戲入娛樂圈，但他仍以完成學業為大前提，今次只是請假兩星期拍戲，他受訪時稱是玩票性質：「今次都係玩吓啫！（緊張？）點都係第一次，會有啲緊張，講英文對白都有啲難度！（對拍戲了解？）細個成日跟爸爸去片場睇拍戲，大概知係點！（但你唔拍功夫片？）我鍾意睇功夫片，細個亦有學過吓武術。（兩樣揀鍾意邊樣？）拍文戲好啲，冇咁辛苦！」
父母教要正面
剛過20歲生日的Jacky依然怕醜，對自己的樣貌亦未有很大信心，問今次當男主角，可覺是樣貌取勝？他笑言：「自己讚自己唔係咁好。（畀自己幾多分？）6、70分（欠啲咩？）爭啲成熟感（父母贊成入行？）佢哋都有教我，喺演藝圈，最重要係心態正面，一定有人鍾意或有人唔鍾意，唔使理人點睇！」
備日用品赴泰
而Jacky首次拍戲就要隻身到泰國拍外景，作為父親的盧惠光當然緊張，兒子從英國返港後，翌日便要飛泰國開工，盧惠光即為他準備日用品。當天見兩父子到寓所附近的店舖搜購，行了幾個圈，不少人見到其高大兒子亦報以目光，其實盧惠光眼見已跟自己一樣高的孩子「出身」，也大感安慰。
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
