古天樂、林峯、周秀娜、陳靜及黃百鳴等今日於銅鑼灣為新戲《P風暴》舉行慶功午宴，慶祝本港票房上映11日破1200萬。另外大陸收6億人民幣，已打破上集票房，黄百鳴再宣佈開拍第五集《G風暴》。
對於票房報捷，古仔最開心是見到成績一部比一部好，問到電影會否有分紅？他說︰「冇分紅，唔使。」他否認自己是老闆之一，純粹跟黃百鳴是廿多年朋友，他說︰「我一向無搞呢啲嘢，平時（片酬）應收就收，分紅唔使。」他解釋不分紅原因是可能一部收得後，之後幾部不理想，他續說︰「何必加大壓力，當然希望部部收得，但香港電影係要做好個市，唔好畀壓力。」
拍畢電影版《尋秦記》後，古仔再接拍多兩部電影，其中一部係《G風暴》。慶功後同林峯即北上繼續拍《尋》片，古仔指林峯有大量動作戲份，不少更是相當危險動作，自己亦要從中拯救他。去年尾才接受了頸椎骨手術的古仔也承認驚會受傷，但拍攝過程最困難並非動作鏡頭，而是度喜劇位。金像獎賽果，古仔指大部份是意料中事，對於黃秋生封他為新一代電影大亨，古仔忍不住笑說︰「冇回應，我都係拍好啲戲，放過我啦。」
首次演反派，便錄得好票房，林峯表示相當驚喜，多謝老闆古仔為他開拓新戲路，問到是否打了強心針？他說︰「安樂少少。」談到安樂少少後是否可以結婚？他即望着身旁古仔再說︰「冇回應，呢方面冇回應。」另外有指胡鴻鈞態度囂張，更自稱叻過林峯，林峯聞言後說︰「識得佢，有合作過，佢幾nice，唱歌好聽，其他嘢冇乜回應。」
-----------------------------
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|