第38屆香港電影金像獎頒獎典禮昨晚圓滿結束，莊文強執導的《無雙》成為大贏家，共獲七個獎項，影帝和影后由賽前大熱黃秋生與曾美慧孜贏得，曾美慧孜以《三夫》首衝金像獎即獲影后，秋生則憑《淪落人》為他三度獲得香港金像獎最佳男主角獎。
記者：曹家誠、張俊銘、黃曉妍
相關新聞：謝賢獲終身成就獎自嘲貪錢
一年一度的香港電影金像獎頒獎典禮，昨晚在尖沙嘴文化中心大劇院隆重舉行，獲得17項提名的《無雙》共獲得七個獎項，包括大獎最佳電影及最佳導演等（詳見附表），成為大贏家。
秋生早前已憑《淪落人》獲得香港電影評論學會大獎、香港電影導演會年度大獎、《蘋果》主辦的最港電影大獎及香港電影編劇家協會大獎共四個影帝寶座，昨晚再下一城，獲得金像獎最佳男主角。今次也是秋生繼1994年及1999年，相隔20年再度封金像影帝。
| | |
「好心有好報」
秋生昨晚從古天樂手中取過獎座後，在台上說：「多謝小娟（導演陳小娟）欣賞我，佢成日喺片場當我小朋友𠱁，又提我攣起腳趾。多謝投票畀我嘅人，等我知我演技有肯定；多謝唔投票畀我嘅人，等我知我有不足。」秋生之後又多謝楊受成對他經濟上的支持：「等我唔收錢可以拍呢套戲，不過大家唔好學我，但如果大家想拎獎，就可以試吓，因為好心有好報。多謝我太太，忍耐一個成日失蹤嘅老公，出現嘅時候又人凳合一。」
曾美慧孜憑《三夫》首度入圍金像獎最佳女主角，即取下影后寶座，她在台上忍淚說：「多謝陳果、多謝媽媽，她應該在第二排，她一直以來的支持，拍《三夫》是我第一次到香港。」
惠英紅抵得諗
最佳男女配角分別由袁富華和惠英紅獲得，兩位都憑《翠絲》獲獎，惠英紅致辭時說：「其實喺呢幾年裏面，我有機會拍多咗戲，如果你哋有睇我紀錄，我應該係香港最支持新導演嘅一個演員，因為我抵得諗，我覺得香港一定要百花齊放，一定要有後生，我哋啲老人家賺多賺少唔係咁重要，我希望可以見到香港電影好似我初出道，一年產四百幾部。」
土生土長的香港演員袁富華在台上表示：「所有香港電影陪住我成長，想成為演員嘅原因亦係因香港電影。」最後他更含淚感謝女友：「因為如果冇佢，我唔會堅持幾十年，我以後會更努力，希望香港電影可以發光發亮。」
|
鍾意就快D Share啦！
|
|
|