掃呢頁CODE去手機

2019年4月20日 星期六

許志安黃心穎偷食:被黃心穎背叛!網民跪求馬國明胡定欣復合 __,安仔,胡定欣,許志安,馬國明,黃心穎,

究竟馬國明同胡定欣有冇機會再一齊呢?娛圈筍盤馬國明一日間成為全天下最受同情嘅男人,被女友黃心穎背叛依然保護對方、擔心對方,唔少網民都大受感動,激讚馬國 ...


究竟馬國明同胡定欣有冇機會再一齊呢?


娛圈筍盤馬國明一日間成為全天下最受同情嘅男人,被女友黃心穎背叛依然保護對方、擔心對方,唔少網民都大受感動,激讚馬國明係絕種好男人!雖然唔少人都跪求馬國明與黃心穎分手,但始終未有明言會斬情根,網民都覺得佢值得更好的,仲有人重提佢嘅舊愛胡定欣,希望兩人復合咁話!!

有網民去到定欣社交網留言「不如你跟馬國明一起吧。覺得你好好,馬國明值得比那個更好的女生」、「望定欣和馬國明在一起啊,你倆特別配」、「馬國明終於可以擺脫那個黃xx了,你們趕緊復合吧」,好多網友都舉腳贊成呀!

咁啱得咁橋,三人都曾合作劇集《宮心計2深宮計》,新歡舊愛共冶一爐,喺劇集中,「太子妃」胡定欣同「任三恕」馬國明係舊情人,而「甘若芊」黃心穎同馬國明又有感情線,真係戲如人生呀!

其實馬國明緋聞極少,佢2012年接受東網訪問時,話計埋初戀只有三段戀情,其中一段就係同定欣!當時唔少人都覺得胡定欣有公主病,馬國明就挺身而出為佢澄清!兩人喺無綫劇《衝上雲霄》認識,直至做2008年《舞動奇迹2》先開始熟落,漸漸行埋一齊就拍拖!佢話定欣唔係「管家婆」,只會鼓勵佢,或者有時勸佢改變衣着或敢作敢為啲,但馬國明笑言唔會理佢,分手只係立場唔同!如今兩人都係一線小生同花旦,網民都話外型、地位都襯到絕呀!




來源 source: http://hk.on.cc
鍾意就快D Share啦!