雖然畀網民狂插，但睇嚟佢未驚過！
自稱「星級健身教練」嘅落選港男梁裕恆（Flow Leung）突然喺社交網爆料，話偷食事件中黃心穎係受害者，只係愛錯一個人，隨即引起網民圍插！而曾經喺Instagram大讚「心穎bb可愛靚女」嘅佢，今日一早再上載一張漫畫，似有意反擊網民！
睇番張圖先，係一張五格漫畫，講述主角睇到四圍嘅人都流緊血，仲畀流血中嘅人藐視，見「勢色不對」嘅主角，決定自己打自己一拳，成為大家嘅一分子！咁係咪即係想帶出羊群效應呢？而主角講緊自己定其他人？
Flow嘅言論出咗冇耐，已經喺討論區被瘋狂熱討，網友都話佢仲敢出Post當自己講緊真理！唔少人都問佢係咪聽唔到馬國明話「呢個世界冇人有資格發言，除咗安仔太太外」呢句說話？又引用埋當事人許志安開記者會道歉所講嘅一句說話「我係一個壞咗嘅人」改做「一個壞咗嘅健身教練」，提佢「健身健埋個腦先啦」！
來源 source: http://hk.on.cc
|
鍾意就快D Share啦！
|
|
|
