網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月4日 星期四

羅家英:自揭入院原因!羅家英做前列腺穿刺手術出事 __,羅家英,

羅家英病咗都繼續開工。72歲藝人羅家英入院養病嘅消息,經契女楊玉梅探病而曝光,原來佢唔係發燒咁簡單,佢接受東網訪問,透露本來喺4月中要接受前列腺細胞檢 ...


羅家英病咗都繼續開工。


72歲藝人羅家英入院養病嘅消息,經契女楊玉梅探病而曝光,原來佢唔係發燒咁簡單,佢接受東網訪問,透露本來喺4月中要接受前列腺細胞檢查,所以要做一個穿刺手術,但就出現後遺症令佢細菌感染,但佢唔知道咁嚴重,喺冇休息情況下,繼續去橫店為網絡電影《心願清單》開工,連日拍攝,佢最後都撐唔住,初時感到不停發冷,跟住被送入當地醫院吊鹽水,但佢超好嘅演員道德,誓要完成拍攝先返港醫治,所以抱病開工,至日前先返港入醫院,最後驗出佢膀胱同腎都有發炎,目前正留院治療。

佢形容呢次可大可小,仲畀老婆汪明荃詐型,佢話:「我今日精神好啲,之前迷迷糊糊。(病住都開工?)今次我做男一,加上大堆人等住我開工,唔想阻礙拍攝,冇辦法啦,真係唔舒服嘅,咪日頭開工,夜晚入返醫院囉!(老婆擔心死?)係咁哦我囉,但都冇用㗎,後來咪冇出聲!(做前列腺檢查係有事嗎?)係男人都有嘅問題,原本冇大問題,之前我檢驗後話要攞細胞檢查,但要做穿刺(手術)先攞到,但有後遺症,都要做啦,點知就細菌感染,加埋我開工又冇乜休息,當時喺橫店拍嘢時,發冷呀,41度,後來醫生知我做咗個穿刺手術,所以要同我全身檢查,一星期都住院,期間就吊鹽水,成分有藥嘅,後來好啲出院,先為個戲埋尾,拍完就返香港,依家入咗醫治療,食抗生素囉,冇乜嘢了,大家可放心,過幾日都出院!」




來源 source: http://hk.on.cc
鍾意就快D Share啦!