【新增內容】「駿王」被驗出心律不正常
蘇保羅是其中一位成績未達標的練馬師，他在從化馬場管有輔助馬房，因此季終如贏不夠18場頭馬，便要收警告信。這天（14日）沙田跑馬前，蘇廐季內暫得13Win，尚欠五Win畢業，前途未卜。
結果跑到第七場四班1600米，蘇廐七歲老兵「奔馳寶馬」藉輕磅之利，在騎師田泰安後上一攻而破，小勝0.5馬位，馬兒取得本身今季首捷，亦給蘇保羅帶來季內第14場頭馬，單Win及組合獨贏A2分別派90及24元。
經此一役，蘇保羅雖仍居練馬師榜尾二，但護級形勢已趨明朗，只須於季內餘下三個月多贏四場賽便可達標，至於「奔馳寶馬」連跑四場位置後，亦告重開勝利之門。
今場另一焦點是藝人馬主蘇志威的愛駒「駿王」又再出賽，其太太劉小慧賽前落沙圈睇馬時，被馬迷截住問貼士，劉小慧表現輕鬆，並笑笑口說：「我梗係想佢（『駿王』）得啦，有披士（位置）都好」
不過「駿王」不但繼續落第，而且出現意外。此駒今場是64倍大冷門，在騎師郭能胯下沿途居中間位置，入直路後更疑似有問題，郭能收慢並向後望着馬兒後腳，最終還把牠收停，在直路上落馬，「駿王」未有跑畢全程。
不過「駿王」可自行步返馬格，其後驗出牠心律不正常。六歲自購馬「駿王」至今在港17戰一冠一亞，本身已跨季連續九仗大敗而回，近績奇差。
第七場二至四名分別為「陽光」、「精簡最好」及「火百合」。
---------------------------
星期一至五晚上10點半*
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|