網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月21日 星期日

陳展鵬:單文柔生咗喇!陳展鵬做老竇興奮晒全家福 __,單文柔,陳展鵬,

今次真係「雙喜臨門」!恭喜!恭喜!藝人陳展鵬嘅太太單文柔(Pheobe)前日29歲生日,今日陳展鵬就喺社交網公布愛女「小豬比」出世喇,真係雙喜臨門!P ...


今次真係「雙喜臨門」!


恭喜!恭喜!藝人陳展鵬嘅太太單文柔(Pheobe)前日29歲生日,今日陳展鵬就喺社交網公布愛女「小豬比」出世喇,真係雙喜臨門!

Pheobe回覆東網表示自己開刀誕囡囡,小豬比(Quinta)成日笑,仲狂讚囡囡好得意:「我同展鵬都好開心!望住小豬比覺得好幸福!佢成日笑,好得意😄 希望佢健康長大!(BB似邊個?)一時似自己,一時似展鵬。(老公有冇陪你入產房?)展鵬全程都陪我,有參與!佢有剪臍帶。我嗰時迷迷糊糊,聽到展鵬形容BB我笑咗,因為BB出世時身上仲有羊胎水,佢話『佢啲頭髮點解攣毛嘅?嘩佢嘔白泡呀!』原來佢係形容緊BB個狀態,完全唔係形容個樣,我嗰時麻醉藥又未過,睇得唔清楚。(囡囡點解叫Quinta嘅?)係我妹提議,之後覺得幾好!Q係P(Phoebe)同R(Ruco)中間,寓意可以在我地哋保護之下健康快樂長大☺」她又表示正餵緊人奶。

其實尋日Pheobe晒出同老公慶祝生日啲相時,就已經被眼利網友發現佢巨肚失蹤,狂留言追問囡囡係咪已經出世,估唔到隔咗一日就同大家公布喜訊。




來源 source: http://hk.on.cc
鍾意就快D Share啦!