【安心偷食】許志安和黃心穎「安心偷食」被《蘋果》獨家踢爆後，二人成為眾矢之的，不過隨着鄭秀文（Sammi）發聲明表示原諒老公安仔，馬國明又稱擔心女友心穎後，風波似稍為平息。不過昨日凌晨，2016年落選港男梁裕恆（Flow）卻突然在fb挺身而出力撐心穎。
| | |
被狂寸博出位
Flow在fb貼出和心穎的合照，並留言：「醒起有一日佢好唔開心咁同我講因為同男朋友好少機會見面，感情出咗問題，又話愛上咗另一個男人係有婦之夫，好內疚。那個是天后的老公，但那個男人說佢哋嘅婚姻一早出咗問題，個男人同佢講會離婚，她才願意跟他一起。如果係咁她只是一個受害者。事件報道後，冇人同佢講過一句公道說話。我亦唔明點解她一句都唔回應，一個人攬晒上身。個男人唔係有錢？又唔係好樣？佢又唔係賣身，只是一個追求愛情嘅女仔。個男人冇嘢畀到佢，就只是愛錯一個人，係有錯，但罪不至死！」暗示有婦之夫是安仔，不少網友質疑Flow的說話，寸他博出位。
事後Flow發聲明︰「我只是將知道的事實講出來，當事人係有錯，但不是片中睇到的勾引或主動，明顯二人關係並非那天開始。可惜大家不是去思考或尋求事實真相，而選擇站在道德高地去踩死一個人……說出來不是甚麼博上位，我預了負評，只是將良心話講出來。」而Flow曾於16年在Ig貼合照，讚心穎可愛和靚女。
換人補拍劇集
受「安心偷食」影響，心穎參演的《堅離地愛堅離地》、《丫鬟大聯盟》等劇集統統叫停，《法證先鋒IV》因為是重頭劇，無綫不排除將心穎的角色換人補拍，有傳心穎劇中拍檔黃浩然爆粗鬧浪費他的心血。《蘋果》昨日致電黃浩然，他聽見心穎名字即匆匆掛線︰「我唔喺香港，對唔住。」
至於Sammi早前接受內地節目《少年可期》訪問時，提到自己患抑鬱症的經歷︰「我這種個性也像一個不倒翁，當你跌倒了不要害怕，不要被負面情緒打倒，每一個人生的難關都一定可以撐過去的。」
採訪︰陳杰、嵐山
|
鍾意就快D Share啦！
|
|
|