對上一次捕捉到練海棠戴口罩鬼祟出街，佢身邊帶住個D Cup艷女。今次再見佢戴口罩遮樣，唔知搞邊科呢？望望佢左手攬住啲咩？原來係去買菜做煮飯佬啫。
2016年，《壹》仔影到伍詠薇老公練海棠又再曳曳，同個身材玲瓏浮凸嘅艷女上酒吧姣笑、舐脷、搓手仔，飲到醉醉地之後就揸車去南灣，停車熄匙後困獸鬥咗50分鐘，㷫烚烚嘅練海棠仲著住底衫落車淋水降溫添。
練海棠偷食有前科，唔只一次半次，伍詠薇梗係嬲爆啦，但估唔到最後又俾練海棠拆得掂，好快又十指緊扣孖公仔出動，只能夠讚伍姑娘好有氣量，佢更認為老公曳曳自己都有責任添。第一次發生時，伍姑娘話：「嗰個階段我好鍾意拍攝工作，變咗好少時間陪佢。」第二次重蹈覆轍，伍姑娘依然話：「我好均真，丈夫係自己揀嘅，與其一面倒諗佢錯，不如檢討吓自己有冇錯。坦誠溝通後，再睇吓可唔可以一起走落去。」
事實證明，二人繼續走落去，喺今年迎接第20個結婚紀念日，而老公亦似乎變乖，無老婆喺身邊𥄫住時都只係去做住家男，幫手買今晚食嘅餸。
來源 source: http://nextplus.nextmedia.com
|
鍾意就快D Share啦！
|
|
|
