港產電影《P風暴》即將上映，鄭嘉穎在戲中飾演廉政公署首席調查主任程德明，與古天樂飾演的陸志廉是拍檔，嘉穎說：「老實講，戲肉喺監獄裏面，我係負責裏應外合(古仔)，戲唔喺我身上。」
由電視跳出大銀幕，雖然不是主角，但嘉穎仍樂在其中，「我哋嗰個年代，係好希望上大銀幕，呢兩年拍多咗。我同古仔之前喺《L風暴》合作過，反而阿峯(林峯)好耐冇合作，上一次係15年前TVB(電視劇《Yummy Yummy》)，今次好開心，幾好吖，大家冇穿冇爛，15年後又再會。喺另一個場合，大家都成長咗，我就老咗啲啦，哈哈，又唔可以講默契，但大家舒服。」嘉穎笑說。
嘉穎透露今次演出挑戰體能極限，為營救周秀娜，要在球場跑足一日，又要上天下海，他說：「喺狹窄嘅直升機艙內打鬥，都幾考工夫，但原來我哋身手仲得，因為平時有做運動。」他直言拍戲一點也不辛苦：「拍完電視劇出嚟，拍電影一啲都唔會話辛苦，起碼有得瞓覺。試過拍《葉問外傳：張天志》，一場戲拍兩個幾、三個星期，真係精品，每個鏡頭都要perfect，但電視就壓縮，總之今日要拍晒個schedule。」
嘉穎直言現在會揀工作，豪言即使價錢理想，但要離開香港超過四個月，都不會接拍。原因好簡單，因為多了一位賢內助、多了一位孩子、多了一個家。
嘉穎提起剛滿月的囝囝鄭承悅，便會回心微笑，他說：「慶幸我現在先有小朋友，而唔係十年前，因為以前冇luxury話唔去，現在我可以話我afford得到。因為我好想睇住佢成長，現在係我嘅第一位。以前自私啲放自己喺第一位，現在會將自己越退越後，每樣出發點都唔係為自己。外父改囝囝個名叫承悅，就係希望有承諾令佢開心，唔想佢有一個唔開心嘅童年。」
Grace陳凱琳是嘉穎第一個願意公開其女朋友身份的女人，最後更成為老婆。問到是否一見鍾情？嘉穎用肯定語氣說：「我哋唔係，係日久生情。外界唔睇好？我不嬲唔理，我又冇壓力，只覺得啱嘅時候做啱嘅事，適當時候做適當嘅事。」
Grace有甚麼好？嘉穎笑說：「喺我心目中，佢樣樣都好，唔係點會娶佢做老婆！」嘉穎在婚禮上的誓詞說過：「10年前，我曾與媽媽說過『我大概都唔會結婚喇』，直至遇上陳凱琳，一切都變咗！」嘉穎解釋：「以前我阿媽耐唔耐就問一次，耐唔耐又問我一次，有次問到我唔答唔得，咪同佢講『我未必會結婚喇，媽咪』佢反應係呆咗，好唔開心，婚禮上我講番呢件事，我都唔好意思令佢唔開心咗咁耐。其實每個人命運不同，所以我覺得大家唔問阿峯，佢都會有自己主意，遇到啱嘅人，啱嘅事就會發生。」
家庭是首位，嘉穎自言不介意由老婆管屋企財政，他笑說：「佢之後拍唔拍嘢就由佢自己揸主義，向來都係我主力搵錢。不嬲都係佢嘅錢就佢嘅錢，我嘅錢就係大家嘅錢，做老公應該係咁。」他自言已與Grace有共識，不會做怪獸家長，問到可贊成囝囝將來入行做星二代？他說：「最好唔好，辛苦，呢行飯唔易食。」但當年鄭媽媽也反對嘉穎入行，嘉穎暗笑說：「係，但我『狼戾』啫。而家睇BB脾氣都似我，其實如果佢將來好想做呢行都冇辦法，但唔鼓勵，我係會鼓勵佢發揮自己潛能，有人係讀書、運動、唱歌、做戲，等佢自己發掘，大個自己決定。」問到會否追個女，湊成「好」字？嘉穎說：「暫時應付咗皇上先，佢已take up咗我哋所有時間，遲啲再諗。」
採訪：嵐山
攝影：陳慧安
攝錄：廖達燊
化妝：Henry Li
髮型：Nicki Ting
服裝：McQ、ZUCCa@ITHK
場地提供：Studio King影樓王
【編輯推介】
【帶定寫真攞簽名】哥哥主動幫袁文傑扣鈕 邀請入休息室唞吓
https://bit.ly/2OCqYN7
【Brendan好得意呀】大肚杏兒着泳衣孖囝囝水中合照 母子對望甜到漏
https://bit.ly/2WIDrBT
【條腿好靚啊】替古巨基時裝品牌行騷 秦嵐要求演唱會要坐VIP位
https://bit.ly/2HS64cm
【大膽到呢！】Do姐飲C君喜宴合照要等 準新郎C君轉玩「四大長老」
https://bit.ly/2V8X4Tf
【韓流】現身谷新劇 崔始源為愛犬咬死人一事鞠躬道歉
https://bit.ly/2HS9njA
4月2日 10am-11pm 即玩《MINI GAME大挑戰》
隨時贏價值$80海天堂龜苓膏及龜苓膏特飲
https://bit.ly/2WigzsG
《RubberBand X 動腦Q》QQ地微唱會
4月2日 10:30PM
手機直播 只玩一場 (30分鐘加長版)
蘋果動新聞會員限定 立即登記
https://hk.adai.ly/C2Lj283bqV
| 嘉穎讚老婆Grace樣樣都好。(資料圖片/攝影﹕陳慧安) | | |
| | | |
| | | |
| | | |
| | | |
| | | |
|
鍾意就快D Share啦！
|
|
|
