現年72歲的羅家英早前因進行前列腺穿刺手術而受細菌感染發燒入院，不過家英哥很快便已經康復出院，近日更同太太汪明荃（阿姐）行山。康復後的家英哥昨日就到九龍灣，與明星足球隊一班隊友如黃日華、吳家樂及戴志偉等20多人練波，家英哥狀態不俗，但就穿了長褲，可能怕着涼。至於，「安心偷食」事件後，同屬明星足球隊的馬國明就要開工，連平時愛踢波的許志安都不見蹤影。
| | |
唔敢埋身肉搏
昨日下午約2時，家英哥到達球場，先在球場慢跑一圈做熱身，不過為穩陣起現，身邊就多了名男友人傍住。約3時半左右正式開波，踢開前鋒的家英哥沒有如以往滿場飛，踢了一會就站在一旁，而其他隊友就明顯小心翼翼，盡量不會作埋身碰撞，眾人踢足一小時才盡興而歸。
離去時，家英哥一臉倦容慢慢行出來，問他身體狀況，家英哥聲音比平常細聲地說︰「現在身體好番少少，𠵱家努力做番運動。」記者讚他射門好勁，他謙稱︰「唉！冇乜力呀，企喺度射仲得，邊走邊射就唔得啦。」談到阿姐早前透露他下個月會復工，家英哥表示︰「其實𠵱家都做緊嘢，教緊粵劇，但幕前工作就減少咗。」他透露今日會再返醫院覆診，現階段是休息及做運動，讓身體慢慢恢復︰「𠵱家做運動又散吓心，但都好弱，今日踢咗成個鐘，對我嚟講係劇烈，所以我都係行行企企多，冇乜點走。」
家樂避談安心
問到「安心偷食」事件，家英哥笑一笑然後說︰「冇留意，其實講一句都唔關我事。」問到波友們會否關心當事人，他表示︰「我哋都冇乜嘢講，希望大事化小，小事化無。」吳家樂見家英哥有點累，着他在坐駕旁邊等候，體貼地幫他取泊車票。可能因為發生「安心偷食」事件，一班明星足球隊見到記者時變得嚴肅。問吳家樂為何馬國明及許志安為甚麼沒來？吳家樂表示︰「你都見到」問有沒有慰問兩人，他避忌封嘴︰「唔好意思！冇回應。」
採訪︰張俊銘
攝影︰梁繼光
|
鍾意就快D Share啦！
|
|
|