許志安與黃心穎在車廂激吻片段，轟動全城。安仔昨日在記者會聲淚俱下認錯，承認自己起色心：「我係一個壞咗嘅人！」其實安仔當時有機會臨危立馬，因為同車一名男友人一直嘗試力挽狂瀾，阻止「安心」獨處，不希望由安仔送心穎回家，可惜二人未聽勸，最終令不倫戀曝光。
據悉同車的男友人名叫Kenneth Yang，暱稱肥B或阿Ken，保險公司高層，與Sammi其中一個家姐同公司，與安仔和Sammi都是「老友底」。4月3日是阿Ken的生日，安仔與心穎及一班朋友相約食飯，其實在「安心偷食」前兩日，即4月1日，阿Ken亦曾相約安仔和Sammi與另外一班朋友食飯慶祝生日，所以阿Ken當晚見到「安心」親密舉動亦好擔心「出事」，多次出招力阻二人。
招數一：硬要上車
阿Ken住大坑，安仔住淺水灣，心穎住鯉魚門，三個人跟本不順路。而當晚他們在銅鑼灣西苑食飯，其實返阿Ken屋企只需數分鐘車程，但阿Ken仍硬要擠上車，寧願先過海送心穎返屋企，明顯是「義氣仔女」擔心老友出軌。
招數二：先送心穎回家
阿Ken一開始就堅持要先送心穎回家，但心穎爆粗說：「唔好扮嘢X你！兜X咗我先？」阿Ken多次說：「唔得，唔得」、「我送佢(心穎)先，快啲」、「但我想送心穎返屋企先」，但安仔就撐心穎，並跟司機說先去大坑，與此同時心穎亦非常堅持，用堅定的語氣多次重覆跟司機說：「大坑！」
招數三：摸安仔頸
安仔透露阿Ken翌日早上6點要去機場，所以專登約在他屋企附近......原因好似好窩心。但當阿Ken聽到安仔堅持送自己返屋企，他便嘗試伸手摸摸安仔條頸，似乎是一個「警示」。
招數四：改送安仔先回家
阿Ken即使快到家門，仍不放棄，再次嘗試阻止二人，提議不如先送安仔回家。安仔失笑說：「唔好」當車停下來時，心穎馬上打開車門，示意阿Ken下車，但阿Ken再次關上門，堅持先送心穎回家，安仔嘗試向對方派定心丸：「而家你走先，跟住我返我屋企，佢（心穎）返佢屋企。」同一時間心穎再次打開車門，阿Ken再三向安仔確認：「你講堅？」安仔：「係，堅！」阿Ken才無奈下車。
未知安仔有沒有後悔不聽老友勸告，闖下難以彌補的過失。
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|