【新增動新聞】
綽號「吉利仔」的無業男子，涉苦苦追求一名女子不果，憤而透過微信（WeChat）恐嚇她，若不回應便「死全家」，又揚言：「冇女咁對我嘅！」女子擔心家人安全，被迫於去年元旦赴約，卻疑於賓館內遭對方強行扯掉內褲，要求性交，又自言「跟荃灣傻福」；同場吉利仔的友人則邊看色情影片邊手淫，並威脅女子謂：「一係畀吉利仔搞，一係吉利仔搵朋友嚟搞你。」最後吉利仔涉將女方強姦，更令她因姦成孕，事後需進行人工流產。
現年29歲的被告曾友狄被控強姦、刑事恐嚇及自稱三合會成員罪，今於高等法院受審。控方開案陳詞指，對23歲的女事主X來說，2018年1月1日元旦非但不是值得慶祝一天，相反是一個傷心和慘痛的日子。
女事主曾對被告表明「對你冇意思」
控方指，女事主X於2013年透過當時男友，認識男子「廣少」，再於廣少介紹下認識被告。被告其後不時以打電話及傳訊息攻勢，向她展開追求，多次提出約會。X僅於2017年中在女友人陪同下應約一次。被告問X何以不肯見他，X也老實表明：「對你冇意思。」惟被告仍然死心不息。
去年元旦早上，被告再次透過WeChat向X傳訊息，揚言：「你今次飛機就死全家，信唔信貼街招？尊嚴都冇冇女咁對我嘅！」X怕被告對家人不利，亦望藉今次見面講清講楚，令被告死心，遂決定赴約。
兩人在X的朋輩過往經常聚頭打機的荃灣康樂小築見面，被告在房中要X「做我女朋友」，但X坦言「唔會揀你」。被告遂自稱「我跟荃灣傻福，黑社會，好勁，你呢啲人惹唔起！」之後被告強行扯掉X的打底褲和內褲，掦言「今日無論如何你都要同我做」，X欲奪回內褲離開不果。
服事後避孕丸仍懷孕
此時廣少到場，被告離開。廣少開電視觀看色情影片，同時勸她謂：「畀吉利仔搞最緊要吉利仔開心，做完仲有五百蚊收。」廣少更向X謂：「一係畀吉利仔搞，一係吉利仔搵朋友嚟搞你。」X大驚，表明寧死不從，並欲離開，卻見廣少正在自瀆。
未幾被告折返，廣少離開。被告問X：「係咪做？」X仍堅稱：「死都唔做。」惟X最終仍遭強姦。
X事後向家計會求助，服食事後避孕丸，但同月18日仍發現有孕。她報警求助，並於翌月8日接受人工流產。經DNA檢測，證實被告為胎兒生父。控方將於下午傳召X出庭作供。
【案件編號：HCCC266/18】
記者 蔡少玲
---------------------------
【六四30】守住歷史 拒絕遺忘
https://hk.adai.ly/zdzKtt2RiW
---------------------------
5月14日 10am-11pm
玩《MINI GAME大挑戰》
贏取American Tourister Velton 81cm行李箱
https://bit.ly/2WigzsG
|
鍾意就快D Share啦！
|
|
|
