(新增內容)
近年在大陸爆紅的陳偉霆（William），最近獲國際級品牌邀請拍腕錶廣告，更用「威廉式」全英語作45秒獨白，內容講述自己17歲入行的經過、對時間的定義、人生最珍貴的一刻等，廣告還找來不少勁人拍攝，包括英國女演員Keira Knightley、超模Naomi Campbell、大陸超模劉雯等，William是唯一男藝人，本來好威風，但因為他的撇唔甩港式口音，將「Try」說成「猜」、「Artist」變「阿tist」等，被網民洗版嘲笑。
結果，節目主持何基佑和英語KOL蕭叔叔加入剝花生，各自整了一條配音版貼上facebook，蕭叔叔留言：「徇眾要求，蕭叔叔配音版 ，Please tell this uncle to get a life.#無收錢的廣告系列」杜汶澤都轉貼並讚：「Perfect」而網民更一面倒勁讚：「耳朵懷孕，聽原版即刻流產。」、「把聲有深度，可惜個樣太膚淺，唔夾，嘥咗把聲」、「可唔可以將佢打馬賽克，會正好多」、「嘩，對耳即時舒服勁多。」
而何基佑亦貼了自己的配音版，留言：「其實這系列的廣告拍得不錯，作為一個專業的廣告旁白（屈指一算原來已經超過二十年），我嘗試盡量切合當事人的年紀和狀態。我沒有英式英文腔，就來點北美腔吧，同場加映一個勉強合格的普通話版本...別太認真，just for fun：）喜歡的話就與朋友分享」網民都讚他：「你把聲好好聽」、「100分」、「蕭叔叔太作狀了吧？英文和聲線也沒有阿Kay好。」
何基佑接受《蘋果》電話訪問表示：「我都做開廣告旁白，貪得意咪配番英文，又有咁多討論，係咪先。」問到覺得陳偉霆的英語怎樣？他說：「我覺得佢自己風格啦，你想點啫，一個香港人喺內地做嘢，然後同一個超級品牌合作，佢一定難免有啲緊張嘅，都好情有可原嘅，反而我欣賞佢內容真摰，講擁抱媽媽、好感動嗰啲、都想時間停頓，講嘢最緊要真，我睇法就係咁啦。」
此外，林作亦share了陳偉霆的廣告片，同時拍了一條「新版」，除了模仿陳偉霆露齒笑，又留言寫：「近年睇過最大鑊嘅廣告。想問：搵個英文人，例如我，現場執下佢，真係咁難？」
之後他老師上身，抽出他覺有問題的對白作出更正，包括「When I was 17 years old, I participated in a singing contest - participated 係讀 par-ticipated唔係 per-ticipated。」、「I really wanted to try to be an artist. 字幕係咁寫，但佢係講 want。咁梗係應該講 wanted 啦因為係講以前。仲有，香港人叫藝人做 artist，唔代表外國人會咁。就好似去試鏡香港人會講 casting，但其實係 audition。artist係藝術家嘅意思。有冇人覺得佢係藝術家？」
除了一些讀字發音問題，林作續謂：「What do I do to waste my time？邊個低能畀呢個港式英文畀佢？應該係 What do I do to kill time？」不過，批評完之後，林作都有戴番頭盔話：「唔認為係佢嘅問題，係冇人執。」
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9
| 短片截圖 | |
|
鍾意就快D Share啦！
|
|
|